LKK Vs SMP : அசத்தலாக ஆடி ப்ளே ஆப்ஸ் சுற்றுக்குள் நுழைந்த கோவை அணி!

நேற்று மதியம் 3:30 மணி அளவில் மதுரையை கோவை அணி எதிர்கொண்டது. இதில் டாஸ் வென்ற மதுரை அணி பந்துவீச்சை தேர்வு செய்தது.

கோவை அணியின் சுஜித் 4 ரன்களில் ஆட்டமிழக்க பின்னர் வந்தவர்கள் அதிரடியாக ஆடினார். சுரேஷ் குமார், பி சச்சின் ஆகியோர் அரைசதம் விளாச ரன்னின் எண்ணிக்கையும் மளமளவென உயர்ந்தது.

இவர்களை தொடர்ந்து களமிறங்கிய கேப்டன் ஷாருக்கான் அதிரடியாக ஆடி அரைசதம் அடித்ததோடு அணியின் ரன்னை 200 மேல் கொண்டு சென்றார்.20 ஓவர் முடிவில் கோவை 5 விக்கெட்டுக்கு 208 ரன்கள் எடித்திருந்தது.

பின்னர் களமிறங்கிய மதுரை அணி வீரர்கள் சிறப்பாக ஆடி ரன்களை சேர்த்தனர்.

10.2 ஓவரில் 2 விக்கெட் இழப்பிற்கு 97 ரன்கள் எடுத்து நல்ல நிலையில் இருந்தது மதுரை அணி. அதற்கு பின்னர் வந்த வீரர்கள் வரிசையாக ஆட்டமிழந்து பெவிலியன் திரும்பினர்.

மதுரை அணி 18 ஓவரில் 164 ரன்கள் மட்டுமே எடுத்து ஆல் அவுட் ஆனது. இதன் மூலம் தனது 6வது வெற்றியை பதிவு செய்வதுடன் ப்ளே ஆப்ஸ் சுற்றுக்கு முன்னேறியுள்ளது கோவை கிங்ஸ்.