SS Vs LKK : சேலம் அணியை ஆட்டமிழக்க செய்து அபார வெற்றி பெற்ற கோவை கிங்ஸ்!

8 அணிகளுக்கு இடையிலான டி.என்.பி.எல் போட்டி தற்போது சேலத்தில் உள்ள வாழப்பாடியில் நடந்து வருகிறது. நேற்று இரவு 7:15 மணிக்கு கோவை கிங்ஸை எதிர்கொண்டது சேலம். முதலில் பேட்டிங் செய்தது கோவை அணி.

கோவை அணியின் தொடக்க ஆட்டக்காரர் சுரேஷ்குமார் 4 ரன்களில் ஆட்டமிழந்தார். ஆனால் சஞ்சு சிறப்பாக ஆடினார்.பின்னர் வந்தவர்களும் அவருடைய பங்களிப்பை கொடுக்க ரன்கள் மளமளவேன குவிந்தது.

சாய் சுதர்சன் 41 ரன்களும், ராம் அரவிந்த் 50 அடிக்க 20 ஓவர் முடிவில் 8 விக்கெட் இழப்பிற்கு 199 ரன்கள் அடித்தது கோவை.

பின்னர் இந்த மிகப்பெரிய இலக்கை நோக்கி களமிறங்கிய சேலம் அணியின் தொடக்க ஆட்டக்காரர்கள் சிறப்பான ஆட்டத்தை கொடுக்கவில்லை.

பின்னர் களமிறங்கிய அனைத்து வீரர்களும் சொற்ப ரன்களில் ஆட்டமிழக்க கோவை அணிக்கு கிட்டத்தட்ட வெற்றி உறுதியானது. சேலம் அணியில் அதிகபட்சமாக சன்னி சந்து 29 ரன்கள் எடுத்தார்.

19 ஓவர் முடிவில் அனைத்து விக்கெட்டுகளையும் இழந்து 120 ரன்களை மட்டுமே எடுத்தது சேலம். ஐந்தாவது வெற்றியை பதிவு செய்த கோவை அணி பிளே ஆஃப் சுற்றுக்குள் நுழைந்தது.