SL Vs AFG : ஆப்கனிஸ்தானுக்கு அடிமேல் அடி கொடுத்து வெற்றி பெற்ற இலங்கை!

நேற்று ஆப்கானிஸ்தானுக்கும் இலங்கைக்கும் இடையே மூன்றாவது ஒருநாள் கிரிக்கெட் போட்டி நடந்தது. இதில் டாஸை வென்ற ஆப்கானிஸ்தான் முதலில் பேட்டிங்கை தேர்வு செய்தது.

தொடக்கம் முதலே ஆப்கானிஸ்தான் அணியின் மீது இலங்கை அணி ஆதிக்கம் செலுத்தியது.

இலங்கை பந்துவீச்சை எதிர்கொள்ள முடியாத ஆப்கானிஸ்தான் 22.3 ஓவரில் 116 ரன்கள் அடித்து அனைத்து விக்கெட்டுகளையும் இழந்தது.

பின்னர் களம் இறங்கிய இலங்கை அணி தொடக்கம் முதலே அதிரடியாக ஆட ஆரம்பித்தது.

தொடக்க ஆட்டகாரர்களான பதும் நிஷாங்கா, திமுத் கருணாரத்ன ஆகிய இருவரும் சிறப்பாக ஆடி அரைசதம் அடித்தனர்.

16 ஓவரில் ஒரு விக்கெட் இழப்புக்கு 120 ரன்கள் அடித்த இலங்கை அணி வெற்றி பெற்றது. இந்த வெற்றியின் மூலம் இரண்டுக்கு ஒன்று என்ற கணக்கில் இலங்கை தொடரை வென்றது.