Virat Kohli Biopic : திரைப்படமாக உருவாகும் விராட் கோலியின் வாழ்க்கை வரலாறு..ரன்பீர் கபூர் சொன்ன பதில் என்ன?

அர்ஜுன் ரெட்டி திரைப்படத்தை இயக்கிய சந்தீப் ரெட்டி வங்கா இயக்கத்தில் ரன்பீர் கபூர், ராஷ்மிகா மந்தனா நடித்துள்ள திரைப்படம் அனிமல்.

இந்த திரைப்படம் வரும் டிசம்பர் 1 ஆம் தேதி வெளியாகிறது. அனிமல் திரைப்படத்தை ப்ரொமோட் செய்வதற்காக இன்றைய உலகக் கோப்பை அரையிறுதி போட்டியின் ப்ரீ மேட்ச் நிகழ்ச்சியில் கலந்து கொண்டார் ரன்பீர்.

அப்போது இந்திய கிரிக்கெட் வீரர் விராட் கோலியின் பயோபிக் திரைப்படத்தில் எந்த நடிகர் நடிக்க வேண்டும் என்ற கேள்வி கேட்கப்பட்டது.

அதற்கு ரன்பீர், விராட்டின் பயோபிக்கில் நடிப்பதற்கு விராட் தான் பொருத்தமாக இருப்பார் என்று கூறியுள்ளார்.

மேலும் பேசிய அவர், இன்றைய நடிகர்கள் பலரைவிட விராட் ஸ்மார்ட்டாகவும் ஃபிட்டாகவும் இருப்பதாக கூறினார்.

ரன்பீர் கபூரின் இந்த பதிலால் விராட் கோலியின் பயோபிக் குறித்த எதிர்பார்ப்பு ரசிகர்கள் மத்தியில் அதிகரித்துள்ளது.