NZ vs UAE : விடாமுயற்சியுடன் போராடிய ஐக்கிய அரபு அமீரகம்..அசால்ட் வெற்றி பெற்ற நியூசிலாந்து!

நியூசிலாந்து- ஐக்கிய அரபு அமீரகம் அணிகளுக்கு எதிரான 3 போட்டிகள் கொண்ட டி20 தொடரின் கடைசி டி20 போட்டி நேற்று நடந்தது. இதில் டாஸ் வென்ற ஐக்கிய அரபு அமீரகம் அணி முதலில் பந்துவீசுவதாக அறிவித்தது.

இதனை தொடர்ந்து களமிறங்கிய நியூசிலாந்து அணியின் தொடக்க வீரர்கள் சிறப்பாக ஆடவில்லை என்றாலும் பின்னர் வந்தவர்கள் சிறப்பாக விளையாடி ரன்களை குவித்தனர்.

20 ஓவரில் 5 விக்கெட் இழப்பிற்கு 166 ரன்கள் எடுத்திருந்தது நியூசிலாந்து . அதிகபட்சமாக வில் யங் 56 ரன்கள் எடுத்திருந்தார்.

பின்னர் களமிறங்கிய ஐக்கிய அரபு அமீரகம் அணியின் வீரர்கள் வந்த வேகத்தில் அடுத்தடுத்து ஆட்டமிழந்து பெவிலியன் திரும்பினர்.

வந்தவர்கள் அனைவரும் சொற்ப ரன்களில் வெளியேற ஆயன் அப்சல் கான் மட்டும் அணிக்காக போராடிக்கொண்டிருந்தார்.

இறுதியில் ஐக்கிய அரபு அமீரகம் அணி 7 விக்கெட் இழப்பிற்கு 134 ரன்கள் மட்டுமே எடுத்தது. இதன் மூலம் 2-1 என்ற கணக்கில் நியூசிலாந்து அணி தொடரை கைப்பற்றியது.