MLC 2023 : ஒன் மேன் ஆர்மி நிக்கோலஸ் பூரன்.. முதல் கோப்பையை வென்ற எம் ஐ அணி!

எம்எல்சி தொடரின் இறுதிப் போட்டி நேற்று எம்ஐ நியூயார்க்கிற்கும் சியாட்டில் ஆர்காஸிற்கும் நடைபெற்றது. இதில் டாஸ் வென்ற எம்ஐ அணி சியாட்டில் அணியை முதலில் பேட்டிங் செய்ய அழைத்தது.

தொடக்க ஆட்டக்காரர் டி காக்கை தவிர மற்றவர்கள் அனைவரும் சொற்ப ரன்களில் ஆட்டமிழந்தனர். ஆனால் அதிரடி ஆட்டத்தை நிறுத்தாமல் ஆடினார் டி காக்.

இறுதியாக 20 ஓவர் முடிவில் 9 விக்கெட்டை இழந்து 183 ரன்களை எடுத்தது சியாட்டில் ஆர்காஸ். அதிகப்பட்சமாக டி காக் 52 பந்துகளில் 9 பவுண்டரிகள் 4 சிக்ஸர்களுடன் 87 ரன்கள் எடுத்தார்.

இரண்டாவது இன்னிங்ஸை தொடங்கிய எம்ஐ அணியின் தொடக்க ஆட்டக்காரர் ஸ்டீவன் டெய்லர்(0), சயான் ஜஹாங்கீர் (11) ரன்களுக்கு ஆட்டமிழந்து அணிக்கு அதிர்ச்சியை கொடுத்தனர்.

மூன்றாவதாக களமிறங்கிய எம் ஐ அணியின் கேப்டன் நிக்கோலஸ் பூரன் சரமாரியாக சியாட்டில் ஆர்காஸ் பந்துவீச்சாளர்களின் பந்தை நாளாபுறமும் பறக்கவிட்டார்.

இவர் அதிரடி ஆட்டத்தில் சதம் அடித்ததுடன், அணியை 16 ஓவரிலேயே வெற்றி பாதைக்கு அழைத்து சென்றார். இதன் மூலம் முதல் எம்எல்சி தொடரின் முதல் சாம்பியன் பட்டத்தை வென்றது எம் ஐ அணி. அணியை வெற்றி பாதைக்கு அழைத்து சென்ற நிக்கோலஸ் பூரனுக்கு ஆட்டநாயகன் விருது வழங்கப்பட்டது.