Virat Kohli pics: “மீண்டும் பெங்களூருவில்...” பகலிரவு டெஸ்ட் போட்டிக்கு தயாரான கோலி

இந்தியாவும் இலங்கையும் மோதும் இரண்டாவது டெஸ்ட் போட்டி இன்று தொடங்குகிறது. பெங்களூரில் அமைந்துள்ள சின்னசாமி மைதானத்தில் நடைபெறும் இந்த போட்டியில் இந்திய அணி பல்வேறு சாதனைகளை படைக்க வாய்ப்பு உள்ளது.

. பகலிரவு டெஸ்ட் போட்டியாக நடைபெறும் இந்த போட்டியில் இந்தியா வெற்றி பெற்றாலோ அல்லது டிரா செய்தாலோ சொந்த மண்ணில் தொடர்ச்சியாக பெறும் 15வது டெஸ்ட் தொடர் வெற்றி ஆகும்.

இந்திய மண்ணில் இந்திய அணி கடைசியாக 2012-13ம் ஆண்டு நடைபெற்ற இங்கிலாந்திற்கு எதிரான தொடரில் தொடரை இழந்து தோல்வி அடைந்திருந்தது

இதற்கு பின்னர், கடந்த 10 ஆண்டுகளாக இந்திய அணி உள்ளூரில் நடைபெற்ற டெஸ்ட் தொடரில் தோல்வி என்பதையே சந்தித்தது கிடையாது.

இந்த 10 ஆண்டுகளில் குறிப்பாக 2016 முதல் 2020 காலகட்டத்தில் அதாவது 42 மாதங்கள் இந்திய அணி தொடர்ச்சியாக டெஸ்ட் போட்டிகளில் நம்பர் 1 அணியாக திகழ்ந்தது. இந்த காலகட்டத்தில் இந்திய அணியின் கேப்டனாக விராட்கோலி பொறுப்பு வகித்தார்.

இந்நிலையில், “மீண்டும் பெங்களூருவில்” என கேப்ஷன் பதிவிட்டு விராட் கோலி பயிற்சி புகைப்படங்களை பகிர்ந்திருக்கிறார்