Ashes : மூன்றாம் நாள் ஆட்டத்தில் அசத்திய இங்கிலாந்து அணி... நாலாபுறமும் பந்தை பறக்கவிட்ட ரூட்!

ஆஷஸ் டெஸ்ட் போட்டியின் கடைசி டெஸ்ட் போட்டியில் 3வது நாளான நேற்று முன் தினம் 12 ரன்கள் பின்தங்கிய நிலையில் இங்கிலாந்து அணி ஆட்டத்தை ஆரம்பித்தது.

தொடக்க ஆட்டக்காரர்களாக களமிறங்கிய ஜாக் கிராவ்லி, பென் டக்கெட் அணிக்கு நம்பிக்கையான தொடக்கத்தை கொடுத்தனர்.

இவர்களின் பார்ட்னர்ஷிப் 79 ரன்கள் வரை நீடிக்க ஜாக் பென் டக்கெட் 42 ரன்களில் ஆட்டமிழந்தார்.

பின்னர் வந்தவர்கள் அனைவரும் அருமையாக ஆட அணியின் எண்ணிக்கை உயர்ந்து கொண்டே இருந்தது.

ஒரு பக்கம் ரன்கள் மளமளவென உயர மறுபக்கம் சீரான இடைவெளியில் விக்கெட்டுகள் சரிந்து கொண்டே இருந்தது.

மூன்றாம் நாள் முடிவில் இங்கிலாந்து அணி 80 ஓவர்களில் 9 விக்கெட் இழந்து 389 ரன்கள் எடுத்தது. அதிகபட்சமாக ஜோ ரூட் 91 ரன்கள் எடுத்தார்