TVKMaduraiMaanadu Photos : மதுரையில் கலைக்கட்டிய தவெக மாநாட்டு...அசத்தலான பேச்சும் தருணங்களும்

தமிழக வெற்றிக் கழகத்தின் 2வது மாநில மாநாடு மதுரை மாவட்டம், பாரபத்தியில் இன்று நடைபெற்றது

இந்த மாநாட்டில் அக்கட்சியின் தலைவர் விஜய் ஏராளமான விஷயங்களைப் பேசினார்.

தவெக மாநாட்டில் விஜய் பேசிய கருத்துக்களை சுருக்கமாக அடுத்தடுத்துப் பார்க்கலாம்

அதாவது தமிழ்நாடு முழுவதும் 234 தொகுதிகளுக்கும் நானே வேட்பாளர். அவ்வாறு நினைத்துதான் மக்களாகிய நீங்கள் அனைவரும் வாக்களிக்க வேண்டும்.

தமிழ்நாட்டில் வீட்டில் உள்ள ஒவ்வொரு வீட்டுக்கும் தாய் மாமன் நான். நம் வீட்டு ரேஷன் கார்டுகளில் பெயர் இல்லாமல் இருக்கலாம். ஆனால் மனப்பூர்வமாக இருக்கிறேன்.

சில நடிகர்களைப் போல மார்க்கெட் போன பிறகு, அடைக்கலம் தேடி உங்களை நாடி வரவில்லை. படைக்கலத்துடன் வந்திருக்கிறேன். எல்லாவற்றுக்கும் தயாராக வந்திருக்கிறேன்.

எவ்வளவு செய்தாலும் எனக்கு நீங்கள் (மக்கள்) செய்ததற்கு நன்றிக் கடனைத் தீர்க்க முடியாது. மக்களுக்கு உழைப்பதே என் வேலை. என் கடன் என் மக்களுக்குப் பணி செய்து கிடைப்பதே!

1967, 1977-ல் நடந்த அரசியல் மாற்றம் 2026 சட்டப்பேரவைத் தேர்தலிலும் நடக்கும். இந்தக் கூட்டம் ஓட்டாக மட்டும் அல்ல, ஆட்சியாளர்களுக்கான வேட்டாகவும் மாறும்.

இந்தியாவின் வெகுஜன மக்கள் படை இந்தக் கூட்டம். 2026-ல் டிவிகேவுக்கும் டிஎம்கேவுக்கும்தான் போட்டியே.

மக்களை மதிக்கிறேன். மக்களை வழிபடுகிறேன். உங்கள் விஜய், நான் வருகிறேன்’’.

நமக்கு இரண்டே எதிரிகள் தான்.கொள்கை எதிரி பாரதிய ஜனதா கட்சி, அரசியல் எதிரி திமுக.

மாண்புமிகு பிரதமர் மோடி ஜி அவர்களே, 3-வது முறையாக மத்தியில் ஆட்சியை நீங்கள் தானே கைவசம் வைத்திருக்கிறீர்கள்

நீங்கள் ஆட்சிக்கு வந்தது ஒட்டுமொத்த மக்களுக்கு நன்மை செய்யவா இல்லை இஸ்லாமிய நண்பர்கள், தோழர்களுக்கு எதிராக சதி செய்யவா ?

“நீங்கள் என்னதான் நேரடி, மறைமுக கூட்டணிகளை போட்டாலும், தாமரை இலையில் தண்ணீரே ஒட்டாது, தமிழக மக்கள் எப்படி ஒட்டுவார்கள்.?