CM Stalin : சென்னை வர்த்தக மையத்தில் நடைபெற்ற விழாவில் புதிய திட்டங்களை அறிவித்த முதல்வர் ஸ்டாலின்!

இதில் முதலமைச்சர் ஸ்டாலின், அமைச்சர்கள் தா.மோ அன்பரசன், மகேஷ் பொய்யாமொழி ஆகியோர் கலந்து கொண்டனர்.

இதில் ஃபேம் டிஎன் (Fame TN)மற்றும் எஸ்.ஐ.டி.பி.ஐ (Small Industries Development Bank of India SIDBI)இடையே புரிந்துணர்வு ஒப்பந்தமானது முதலமைச்சர் முன்னிலையில் மேற்கொள்ளப்பட்டது.

இவ்விழாவில் ‘அண்ணல் அம்பேத்கர் தொழில் முன்னோடிகள்’ திட்டத்தின் கீழ் பயனாளிகளுக்கு தொழில் தொடங்குவதற்கான ஆணைகளை முதலமைச்சர் ஸ்டாலின் வழங்கினார்.

அதைபோல் பள்ளி புத்ததாக மேம்பாட்டுத் திட்டத்தின் கீழ் வெற்றி பெற்ற 10 மாணவ அணிகளுக்கு, தலா ரூ. 1 இலட்சம் வீதம் ரூ. 10 இலட்சத்திற்கான காசோலைகளை முதலமைச்சர் ஸ்டாலின் வழங்கினார்.

அதைபோல் செங்கல்பட்டு மாவட்டம் - கொடூர், திருச்சி மாவட்டம் - மணப்பாறை மற்றும் மதுரை மாவட்டம் - சக்கிமங்கலம் ஆகிய இடங்களில் உருவாக்கப்பட்டுள்ள மூன்று தொழிற்பேட்டைகளை முதலமைச்சர் இவ்விழாவில் தொடங்கி வைத்தார்.

அதைதொடர்ந்து அங்கு அமைக்கப்பட்டிருந்த தொழில் மேம்பாட்டின் மாதிரிகளை முதலமைச்சர் ஸ்டாலின் பார்வையிட்டார்.