Pongal 2024 Celebration : தமிழகத்தில் களைகட்டும் சமத்துவ பொங்கல் கொண்டாட்டம்!

விளையாட்டுத்துறை அமைச்சர் உதயநிதி ஸ்டாலின், அவரது மனைவி கிருத்திகாவுடன் பைக்கில் அமர்ந்து இருக்கும் புகைப்படத்துடன், “ஆரியப் பழமை மறையட்டும், சமத்துவ திராவிடம் மலரட்டும். இனிய பொங்கல் மற்றும் தமிழ்ப் புத்தாண்டு நல் வாழ்த்துகள்” என அவரது வாழ்த்துகளையும் எக்ஸ் தளத்தில் தெரிவித்தார்

விழுப்புரம் மாவட்டம் திண்டிவனம் அருகே உள்ள தைலாபுரம் தோட்டத்தில் பாட்டாளி மக்கள் கட்சியின் தலைவர் அன்புமணி ராமதாஸ் குடும்பத்தினருடன் பொங்கல் பண்டிகையை கொண்டாடினார்.

சேலம் மாவட்ட ஆட்சியர் அலுவலக வளாகத்தில் சமத்துவ பொங்கல் விழா சிறப்பாக கொண்டாடப்பட்டது.

அதனைத் தொடர்ந்து மாவட்ட ஆட்சியர் கார்மேகம், மேட்டூர் பாமக சட்டப்பேரவை உறுப்பினர் சதாசிவம் ஆகியோர் மாட்டு வண்டியில் ஏறி மாட்டுவண்டியை ஓட்டினார்

இதனிடையே மாவட்ட ஆட்சியர் கார்மேகம் கண்களை கட்டிக்கொண்டு உரியடித்து பொங்கல் விழாவை சிறப்பித்தார்.

காஞ்சிபுரம் அருகே கீழ்கதீர்ப்பூர் கிராமத்தில் 3 டன் எடையில் செங்கரும்புகளால் குடில் அமைக்கப்பட்டு பொங்கல் கொண்டாட்டம் நடைப்பெற்றது.