TN Floods 2023 : தமிழகத்தின் தென் மாவட்டங்களையும் விட்டு வைக்காத மழை.. வெள்ளத்தில் தத்தளிக்கும் நெல்லை சீமை!

சில நாட்களுக்கு முன்னர் மிக்ஜாம் புயலால், சென்னை, காஞ்சிபுரம், திருவள்ளூர், செங்கல்பட்டு ஆகிய நான்கு மாவட்டங்கள் பாதிப்பிற்கு உள்ளானது. இந்நிலையில், வட கிழக்கு பருவ மழை, தென் மாவடங்களையும் ஒரு வழியாக்கி வருகிறது.

கன்னியாகுமரி, தூத்துக்குடி, திருநெல்வேலி, தேனி, விருதுநகர், மதுரை, இராமநாதபுரம் உள்ளிட்ட மாவட்டங்களில் மிக கனமழை முதல் கனமழை பெய்து வருகிறது.

முன்னெச்சரிக்கையாக, மழை பெய்யும் மாவட்டங்களுக்கு பொதுவிடுமுறை அளிக்கப்பட்டுள்ளது.

தொடர்ந்து பெய்து வரும் மழையால், நீர் நிலைகளில் தண்ணீர் நிரம்பி காணப்படுகிறது. இதனால், சாலைகளிலும், வீடுகளிலும் தண்ணீர் தேங்கியுள்ளது.

4 மின்கம்பங்கள் நெல்லை கால்வாயில் சரிந்து விழுந்தது. அத்துடன் நெல்லை சீதபற்பநல்லூர் அடுத்த காங்கேயன்குளத்தில் தொடர் மழையில் மூன்று வீடுகள் இடிந்து விழுந்தது.

தூத்துக்குடி மேலூர் பகுதியில் ரயில் தண்டவாளத்தை மூழ்கடித்து செல்லும் மழை நீர்

தேனியில் பெய்த தொடர் மழை எதிரொலி பெரியகுளம் அருகே கும்பக்கரை அருவி , கம்பம் அருகே உள்ள சுருளி அருவியில் வெள்ளப்பெருக்கு ஏற்பட்டுள்ளதால் அருவிக்கு செல்ல சுற்றுலா பயணிகளுக்கு வனத்துறை தடை விதித்துள்ளது.