RM Veerappan Family Photos : அரசியல் தலைவர் ஆர். எம். வீரப்பனின் அரிதான குடும்ப புகைப்படங்கள்!

பாய்ஸ் நாடக கம்பெனியில் ஒரு நபராக இருந்த ஆர்.எம் வீரப்பன், நாளடைவில் பெரியார், அண்ணாதுரை, எம்.ஜி.ஆர் உள்ளிட்ட பெருந்தலைவர்களுக்கு அறிமுகமானார்.

ஆரம்ப காலக்கட்டத்தில் எம்.ஜி.ஆர் பிக்சர்ஸில் வேலை பார்ந்து வந்தார். பிறகு சொந்தமாக தயாரிப்பு நிறுவனத்தை தொடங்கினார். முதன்முதலாக, தெய்வத்தாய் எனும் படத்தை தயாரிக்க ஆரம்பித்து வரிசையாக பல படங்களை தயாரித்தார். சில படங்களுக்கு திரைக்கதை ஆசிரியராகவும் வேலைப்பார்த்தார்.

ஒரு பக்கம் சினிமாவில் முக்கிய புள்ளியாக இருந்த வீரப்பன், திராவிட கொள்கைகளை பின்பற்றி நேரடி அரசியலில் அதிரடி காட்டினார். எம்.ஜி.ஆர், ஜானகி, நெடுஞ்செழியன், ஜெயலலிதா உள்ளிடோரின் அமைச்சரவையில் இருந்தார்.எம்.ஜி.ஆர் மறைந்த பின்னரும், கட்சியின் மிக முக்கியமான முடிவுகளை எடுத்தவர் இவர்.

அதிமுகவில் முக்கிய நபராக இருந்தாலும், அதன் தாய் கழகமாக விளங்கும் திமுகவின் தலைவர்களான கலைஞர், மு.க.ஸ்டாலின் உள்ளிட்டோருடன் நட்பு பாராட்டியவர்.

எம்.ஜி.ஆருக்கு அடுத்து ரஜினி நடித்த ராணுவ வீரன், மூன்று முகம், தங்க மகன், ஊர்க்காவலன், பணக்காரன், பாட்ஷா ஆகிய படங்களை தயாரித்தார்.

எம்.ஜி.ஆரின் ரசிகர்களை ஒன்று திரட்டி அதிமுகவை வளர்த்த ஆர்.எம்.வீரப்பனின் மறைவு அரசியல், சினிமா வட்டாரத்தில் பெரும் சோகத்தை ஏற்படுத்தியுள்ளது.