Cooking Tips : உங்கள் சமையலை எளிதாக்கும் அசத்தலான டிப்ஸ் இதோ!

நெய் காய்ச்சும் போது சிறிது உப்பு சேர்த்து காய்ச்சினால் மணமாக இருப்பதோடு நீண்ட நாட்கள் கெடாமலும் இருக்கும்.

சப்பாத்தி சாஃப்டாக வர மாவு பிசையும் போது சிறிது பால் ஊற்றி பிசைந்தால் சப்பாத்தி மிருதுவாக வரும்.

இட்லி மாவு மற்றும் தோசை மாவு புளித்துவிட்டால் அதனோடு ஒரு டம்ளர் பால் ஊற்றினால் புளிப்புத்தன்மை நீங்கிவிடுமாம்.

பிஸ்கட்டுகள் நமத்து போகாமல் இருக்க, ஒரு மெல்லிய துணியில் சர்க்கரையை கட்டி டப்பாவினுள் வைத்தால் பிஸ்கட் நமத்து போகாது.

கறிவேப்பிலை இலைகளை அரிசியோடு போட்டு வைத்தால் அரிசியில் வண்டுகள், பூச்சிகள் வராது.

தக்காளி சூப் சமைத்த சில மணி நேரங்களில் அமிலத்தன்மை உடையதாக மாறிவிடும், அதனால் சூப் இளஞ்சூடாக இருக்கும் போதே ஒரு ஸ்பூன் சோடா மாவு சேர்க்கலாம்.