Cooking Tips : இப்படி செய்தால் பஜ்ஜி, வடை அதிக எண்ணெய் குடிக்காது!

பூரி மாவில் தண்ணீர் ஊற்றி பிசைவதற்கு பதிலாக, ஒரு கப் பால் ஊற்றி பிசைந்து பூரி சுட்டால் மென்மையாகவும் சுவையாகவும் இருக்கும்.

வெங்காய பக்கோடா செய்யும் போது அரை டீஸ்பூன் சோம்பு மற்றும் கருவேப்பிலை சேர்த்து பக்கோடா செய்தால், சுவையும் மணமும் தூக்கலாக இருக்கும்

பஜ்ஜி மாவில் சிறிதளவு அரிசி மாவு சேர்த்தால், எண்ணெய் குடிக்காது பஜ்ஜியும் சுவையாக இருக்கும்.

சாம்பார் தண்ணியாக இருந்தால் அதை கெட்டியாக்குவதற்கு சிறிதளவு பொட்டுக்கடலையை பொடியாக அரைத்து குழம்பில் சேர்த்தால் கெட்டியாகிவிடும்

உளுந்து வடை செய்யும் போது உருளைக்கிழங்கை வேகவைத்து நன்கு மசித்து வடை மாவில் கலந்து வடை சுட்டால் அதிக எண்ணெய் குடிக்காது, வடையும் மொறு மொறுவென இருக்கும்.

நெல்லிக்காய் ஊறுகாய் ரொம்ப நாட்கள் கெடாமல் இருக்க, ஊறுகாய் தாளிக்கும் போது சிறிதளவு மிளகு தூள் சேர்க்க வேண்டும்.