Cooking Tips: ஆம்லெட் முதல் பனீர் பட்டர் மசாலா வரை சூப்பராக செய்ய டிப்ஸ் இதோ!

சாம்பாருக்கு பருப்பு வேகவைக்கும் போது விளக்கெண்ணெய் சேர்த்தால் பருப்பு வேகமாக குழைந்து வரும்.

பஜ்ஜி மாவில் சிறிது இட்லிமாவு சேர்த்து பஜ்ஜி செய்தால் சுவை கூடுதலாக இருக்கும்.

முட்டை ஆம்லெட் செய்யும் போது பச்சை மிளகாய்க்கு பதில் குடை மிளகாயை சேர்த்தால் சுவையாக இருக்கும்

புளிச் சோறு, ரசம், வெந்தயக் குழம்பு செய்யும் போது சிறிதளவு வெல்லம் சேர்த்தால் சுவை அற்புதமாக இருக்கும்.

பனீர் பட்டர் மசாலா செய்யும் போது, முந்திரி, கசகசா, தேங்காய் சேர்த்து கெட்டியாக அரைத்து மசாலாவில் சேர்த்தால் சுவையாகவும் மணமாகவும் இருக்கும்.

ஃபிரிட்ஜில் உள்ள ஐஸ் கியூப் டிரேயில் ஏதாவதொரு பழச்சாறை ஊற்றி கட்டியானவுடன் தண்ணீரில் சேர்த்து ஜூஸாக குடிக்கலாம்.