Carrot kheer recipe : வீட்டிலேயே செய்து பாருங்கள் சுடசுட வெயிலுக்கு குளு குளு கேரட் கீர்! ரெசிபி இதோ..

கேரட் உடலுக்கு மிகவும் ஆரோக்யமான உணவு பொருள் ஆகும். கேரட்டை பச்சையாகவோ பொரியலாக சாப்பிட்டோ அலுத்து விட்டதா? இதோ உங்களுக்கானது தான் இந்த கேரட் கீர் ரெசிபி!

தேவையான பொருட்கள் : கேரட் 300 கிராம், பால் 1 லிட்டர், தண்ணீர், சர்க்கரை 1/2 கப், ஏலக்காய் தூள், முந்திரி, பாதாம், பிஸ்தா, குங்குமப்பூ.

செய்முறை : முதலில் கேரட்டை கழுவி தோள் சீவி, ஒரு கேரட்டை 2 அல்லது 3 துண்டுகளாக வெட்டி வேக வைத்து கொள்ளவும்.

கேரட் வெந்தவுடன் அதனை சிறிது தண்ணீர் சேர்த்து மிக்ஸியில் போட்டு அரைத்து எடுத்து கொள்ள வேண்டும்.

பிறகு ஒரு பாத்திரத்தில் பாலை கொதிக்க வைக்க வேண்டும். கொதித்த உடன் அரைத்து வைத்த கேரட், சர்க்கரை, ஏலக்காய் தூள் சேர்த்து 10 நிமிடத்திற்கு கொதிக்க விடவும்.

அதன் பின், குங்குமப்பூ, பாதாம், முந்திரி, பிஸ்தா சேர்த்து 5 நிமிடம் குறைவான நெருப்பில் கொதிக்கவிட்டு அடுப்பை அணைத்துவிட வேண்டும். தயாராகிவிட்டது ருசியான கேரட் கீர். இதனை சூடாகவோ ஃப்ரிட்ஜில் வைத்து குளிரூட்டியோ அருந்தலாம்.