Thalapathy 68 : ‘நாளை வரை காத்திருங்கள்..’ ஹிண்ட் கொடுத்த இயக்குநர் வெங்கட் பிரபு!

இந்த ஆண்டின் இறுதியில் வெளியாக காத்திருக்கும் லியோ படத்தின் ஷூட் சமீபத்தில் நிறைவடைந்தது.

இதற்கிடையில் விஜய்யின் அடுத்த படமான தளபதி 68 குறித்த அப்டேட் வெளியானது.

விஜய்யின் 68வது படத்தை வெங்கட் பிரபு இயக்க, யுவன் ஷங்கர் ராஜா இசையமைக்கவுள்ளார் என்ற அதிகாரபூர்வ அறிவிப்பை அப்படத்தின் தயாரிப்பு நிறுவனமான ஏ.ஜி.எஸ் வெளியிட்டது.

இதனை கேட்ட விஜய்யின் ரசிகர்கள், ‘அடுத்த சம்பவம் ரெடி, மங்காத்தா பாணியில் மற்றொரு படம் வெளியாக போகிறது’போன்ற கமெண்டுகளை குவித்தனர்.

தற்போது வெங்கட் பிரபு தனது ட்விட்டர் பக்கத்தில், ஸ்பெஷல் போஸ்டர் ஒன்றை பதிவிட்டு, ‘நாளை காலை 11 மணிக்கு வெளியிடப்படும்’ என பதிவிட்டுள்ளார்.

இது நிச்சயமாக தளபதி 68 குறித்த அப்டேட்டாகதான் இருக்கும் என சொல்லப்படுகிறது. அத்துடன் நாளை தளபதி68 ஹாஷ்டாக்தான் ட்ரெண்டிகில் இருக்கும் என்று விஜய்யின் ரசிகர்கள் சிம்பாளிக்காக சொல்லிவருகின்றனர்.