Vani Bhojan : சமூக வலைதளத்தில் அவதூறு பரப்பியவர்களுக்கு சரமாரியாக பதிலடி கொடுத்த வாணி போஜன்!

சின்னத்திரையில் தெய்வ மகள் நாடகம் மூலம் தமிழ் மக்களிடம் பிரபலமானவர் வாணி போஜன். தற்போது வெள்ளி திரையிலும் ஓ மை கடவுளே,பாயும் ஒளி நீ எனக்கு போன்ற படங்களிலும் , செங்களம் போன்ற வெப் தொடரிலும் நடித்து அசத்தி வருகிறார்.

மேலும் இவர் பல படங்களில் ஒப்பந்தமாகியுள்ளார் என்று தகவல் வெளியாகியுள்ளது.

சமீபத்தில் பெண்களை தவறாக பார்க்கும் ஆண்களை வாணி போஜன் சாடி இருந்தார். அவர் கூறியதாவது, “ பெண்களை சிலர் மோசமாக பார்க்கிறார்கள். சிக்னல்களில் மோட்டார் சைக்கிள்களில் செல்லும் பெண்கல் சேலை கட்டி இருந்தால் அவர்கள் மீது தான் எல்லார் கண்களும் இருக்கிறது.சேலை கட்டினால் இப்படி தான் பார்க்க வேண்டுமா? வயதான் பெண்களை வேறுமாதிரிதான் பார்க்கிறார்கள். இவர்கள் திருந்தமாட்டார்கள்.”

சில நாட்களுக்கு முன்பு வாணி போஜன் சமூக வலைதளத்தில் கவர்ச்சி உடையணிந்த புகைப்படங்களை பதிவிட்டதால் சிலர் இதனை விமர்சித்தனர்.

இதற்கு பதிலளிக்கும் விதமாக, “சமூக வலைதளம் என்பது முக்கியமாகி விட்டது. அதில் நிறைய பேர் திறமைகளை பாராட்டி பதிவுகளை வெளியிடுகிறார்காள். ஆனால் சிலர் எல்லை மீறி பெண்களை அவதூறு செய்வதையும் பார்க்க முடிகிறது.”என பேசினார் வாணி போஜன்.

“அவர்கள் வீட்டில் அக்கா, தங்கை இருக்கிறார்கள்.அவர்கள் சேலை கட்டுவது இல்லையா? நாகரிக ஆடை அணிவது இல்லையா? அவர்களிடம் போய் உடலை காட்டச்சொல்வார்களா? சமூக வலைதளத்தை நல்ல வகையிலும் பயன்படுத்துபவர்களும் இருக்கிறார்கள்” என்றும் கூறினார்.