Vanangaan Teaser : அருண் விஜய்யின் மாறுபட்ட நடிப்பில்.. 5 மணிக்கு வெளியாகும் வணங்கான் டீசர்!

நந்தா, பிதாமகன் உள்ளிட்ட படங்களில் ஒன்றாக பணியாற்றிய பாலா - சூர்யா காம்போ நீண்ட நாள் கழித்து வணங்கான் படம் மூலம் இணைவதாக அறிவிப்பு வந்தது.

இதில் சூர்யாவுக்கு ஜோடியாக கீர்த்தி ஷெட்டி நடிக்கவுள்ளார் என்ற தகவலும் அரசல் புரசலாக வந்தது.

பின்னர், படக்கதையில் பல மாற்றங்கள் செய்யப்பட்டதால், சூர்யா அப்படத்தை விட்டு விலகினார்.

படம் கைவிடப்படவுள்ளது என்ற தகவல் பரவிய போது, சூர்யாவிற்கு பதில் அருண் விஜய் நடிக்கிறார் என்றும் அவருக்கு ஜோடியாக ரோஷினி பிரகாஷ் நடிக்கிறார் என்றும் அறிவிப்பு வந்தது.

இந்நிலையில் இன்று மாலை 5 மணிக்கு வணங்கான் படத்தின் டீசர் வெளியாகவுள்ளது.

அருண் விஜய் நடிப்பில் மிஷன் சாப்டர் 1 படம் வெளியானது என்பது குறிப்பிடத்தக்கது.