Thangalaan : ஆள் அடையாளம் தெரியாமல் மாறிய விக்ரம்..வைரலாகும் தங்கலான் மேக்கிங் வீடியோ!

50 மேற்பட்ட படங்களில் நடித்துள்ள விக்ரம், தற்போது பா. ரஞ்சித் இயக்கத்தில் தங்கலான் படத்தில் நடித்து வருகிறார்.

இந்த படத்தின் லுக் முன்பே வெளியாகி நல்ல வரவேற்பை பெற்றது. இதனை கண்ட விக்ரம் ரசிகர்கள் அப்புகைப்படத்தை கொண்டாடி தீர்த்தனர்.

சமீபத்தில் படப்பிடிப்பின் போது விக்ரமுக்கு விலா எலும்பில் முறிவு ஏற்பட்டதால் படப்பிடிப்பு நிறுத்தப்பட்டது. பின்னர் சிகிச்சைக்கு பிறகு புரண குணமடைந்து விக்ரம் வந்ததால் மீண்டும் படப்பிடிப்பு தொடங்கியது.

சுதந்திரம் வாங்குவதற்கு முன்பு கோலார் தங்க வயலில் பணியாற்றிய தொழிலாளர்கள் பற்றிய கதையே படமாக எடுக்கபட்டு வருகிறது.

இந்த படத்தில் மாளவிகா மோகனன், பார்வதி, பசுபதி, இங்கிலாந்து நடிகர் டேனியல் கால்டகிரோன் உள்ளிட்டோர் நடித்துள்ளனர்.

தற்போது விக்ரமுக்கு மேக்கப் போடும் வீடியோ சமூக வலைதளத்தில் வெளியாகி வைரலாகி வருகிறது. ‘இதில் விக்ரம் ஆள் அடையாளம் தெரியாமல் யாரோ போல் இருக்கிறார்’ போன்ற கமெண்டுகளும் குவிந்து வருகிறது.