Surya - Janhvi Kapoor : பாலிவுட்டில் அறிமுகமாகும் சூர்யாவுக்கு ஜோடியாக இணையும் ஸ்ரீதேவி மகள் ஜான்வி கபூர்!

சிறுத்தை சிவா இயக்கத்தில் நடிகர் சூர்யா நடித்து முடித்துள்ள திரைப்படம் 'கங்குவா'.

அதை தொடர்ந்து சுதா கொங்கரா இயக்கத்தில் 'புறநானூறு' படத்திலும் வெற்றிமாறன் இயக்கத்தில் 'வாடிவாசல்' படத்திலும் நடிக்க உள்ளார்.

மேலும் ஒரு படத்திலும் நடிகர் சூர்யா நடிக்க உள்ளார் என்ற தகவல் சமூக வலைதளங்களில் வெளியாகி வைரலாகி வருகிறது.

இயக்குநர் ராகேஷ் ஓம்பிரகாஷ் மெஹ்ரா மகாபாரத கதையை மையமாக வைத்து வரலாற்று படம் ஒன்றை இயக்க உள்ளார். இப்படத்தில் நடிகர் சூர்யா கர்ணன் கதாபாத்திரத்தில் நடிக்க உள்ளார்.

மிகவும் பிரமாண்டமாக இரண்டு பாகங்களாக உருவாக இருக்கும் 'கர்ணா' படத்தில் நடிகர் சூர்யா ஜோடியாக முதல் முறை கூட்டணி சேரவுள்ளார் மறைந்த நடிகை ஸ்ரீதேவியின் மூத்த மகள் ஜான்வி கபூர்.

இப்படம் மூலம் பாலிவுட் சினிமாவில் அறிமுகமாக உள்ளார் நடிகர் சூர்யா என்பது குறிப்பிடத்தக்கது.