Kottukkaali : பங்காளி சிவாவின் தயாரிப்பில் சூரி நடிக்கும் கொட்டுக்காளி..வந்தாச்சு முதல் அப்டேட்!

தமிழ் சினிமாவின் நகைச்சுவை நடிகர்களுள் ஒருவர் சூரி. வெண்ணிலா கபடி குழு படத்தின் ப்ரோட்டா சாப்பிடும் காட்சியால், இவர் பரோட்டா சூரி என அழைக்கப்படுகிறார்.

ஆங்கில வார்த்தைகளை நகைச்சுவையாக கூறும் இவரது கிராமத்து பாணி காமெடிக்கு பல ரசிகர்கள் உண்டு.

சந்தானம் போன்ற நகைச்சுவை நடிகர்கள் அனைவரும் ஹீரோவாக களமிறங்கினாலும், அவர்கள் சீரியஸான கதாபாத்திரத்தில் நடிக்கவில்லை.

இப்போது, காமெடியனாக இருந்து ஹீரோவாக அவதாரம் எடுத்த கலைஞர்களின் பட்டியலில் சூரியும் இணைந்து விட்டார். சூரியின் சீரியஸான நடிப்பில் வெற்றி மாறன் இயக்கிய விடுதலை படம் இம்மாத இறுதியில் வெளியாகிறது.

தற்போது, சூரியின் பங்காளி போஸ்ட் பாண்டியின் (சிவகார்த்திகேயன்) தயாரிப்பில் சூரி நடிக்கவுள்ளார்.

சிவகார்த்திகேயனின் எஸ்.கே தயாரிப்பு நிறுவனம் இதுவரை, கனா மற்றும் வாழ் ஆகிய இரண்டு படங்களை தயாரித்துள்ளது. தற்போது, மூன்றாவதாக சூரியை வைத்து கொட்டுக்காளி என்ற படத்தை தயாரிக்கவுள்ளது. இப்படத்தின் ஃபர்ஸ்ட் லுக் போஸ்டரும் தற்போது வெளியாகிவுள்ளது.