September Movie Releases : சினிமா ரசிகர்களே டிக்கெட் ரெடி பண்ணிக்கோங்க.. செப்டம்பர் மாதம் வெளியாக காத்திருக்கும் படங்கள் இவைதான்!

ஷிவா நிர்வாணா இயக்கத்தில் உருவாகியுள்ள திரைப்படம் குஷி திரைப்படத்தில் நடிகர்கள் விஜய் தேவரக்கொண்டா- சமந்தா நடித்துள்ளனர். இப்படம் செப்டம்பர் 1-ஆம் தேதி திரையரங்கில் வெளியாக உள்ளது.

அட்லீ இயக்கத்தில் உருவாகியுள்ள திரைப்படம் ஜவான். பாலிவுட் சூப்பர் ஸ்டாரான ஷாருக்கான் இப்படத்தில் நடித்திருக்கிறார் மேலும், நயன்தாரா, விஜய் சேதுபதி, உள்ளிட்ட பலர் நடித்துள்ளனர். இப்படம் வருகின்ற செப்டம்பர் 7ம் தேதி வெளியாகவுள்ளது.

பி.வாசு இயக்கத்தில் உருவாகியிருக்கும் சந்திரமுகி படத்தின் இரண்டாம் பாகத்தில் நடிகர்கள் ராகவா லாரன்ஸ், கங்கனா ரனாவத் உள்ளிட்டோர் நடித்துள்ளனர். இப்படம் வருகின்ற செப்டம்பர் 19ம் தேதி வெளியாகவுள்ளது.

ஆதிக் ரவிச்சந்திரன் இயக்கத்தில் உருவாகியுள்ள திரைப்படம் மார்க் ஆண்டனி. இதில் நடிகர்கள் விஷால், எஸ்.ஜே.சூர்யா, சுனில் நடித்துள்ளனர். இப்படமும் வருகின்ற செப்டம்பர் 19ஆம் தேதி திரையரங்குகளில் வெளியாக இருக்கிறது.

இயக்குநர் பிரசாந்த் நீல் இயக்கத்தில் நடிகர் பிரபாஸ் நடித்துள்ள திரைப்படம் 'சலார்'. இதில் பிரபாஸ், ஸ்ருதிஹாசன், பிருத்விராஜ் மற்றும் ஜெகபதி பாபு உள்ளிட்டோர் நடித்துள்ளனர். இப்படம் வருகின்ற செப்டம்பர் 28ம் தேதி வெளியாகவுள்ளது. அதேசமயம் இப்படத்தின் டீசர் வந்ததோடு சரி அடுத்ததாக எந்தவொரு அப்டேட்டும் வரவில்லை.

இயக்குநர் அன்டோயின் ஃபுகுவா இயக்கத்தில் டென்சல் வாஷிங்டன் நடிப்பில் ஏற்கனவே முதல் மற்றும் இரண்டாம் பாகம் வெளியாகி மக்கள் மத்தியில் நல்ல வரவேற்பை பெற்ற படம்தான் தி ஈக்வலைசர். தற்போது இதன் அடுத்த பாகம் செப்டம்பர் 1 ஆம் தேதி வெளியாகவுள்ளது.

விஜய் கிருஷ்ணா ஆச்சார்யா இயக்கத்தில் விக்கி கௌஷல்,மனுஷி சில்லர்,யஷ்பால் சர்மா உள்ளிட்டோர் நடிப்பில் உருவகியுள்ள திரைப்படம் ‘தி கிரேட் இந்தியா ஃபேமிலி’ . இப்படமும் வருகின்ற செப்டம்பர் 22ம் தேதி வெளியாகவுள்ளது.

ஸ்காட் வா இயக்கத்தில் உலகமெங்கும் பெரிய வரவேற்பை பெற்ற படம் ’எக்ஸ்பென்டபிள்ஸ்’. இதன் முதல் முன்று பாகங்கள் வெற்றி பெற்றதையடுத்து இதன் அடுத்த பாகம் வருகின்ற செப்டம்பர் 22ம் தேதி வெளியாகவுள்ளது.