Shooting spot Accidents : மீண்டும் மீண்டுமா.. படப்பிடிப்பு தளத்தில் நடக்கும் பேக் டு பேக் விபத்துகள்!

வெற்றி மாறன் இயக்கத்தில் உருவான விடுதலை படத்தின் ஷூட்டிங் ஸ்பாட்டில், ஸ்டண்ட் இயக்குநர் சுரேஷ் என்பவர் உயிரிழந்தார்.

ஏ.எல் விஜய்யின் இயக்கத்தில் உருவான ‘அச்சம் என்பது இல்லையே’ படப்பிடிப்பின் போது அப்படத்தின் கதாநாயகனான அருண் விஜய்க்கு விபத்து ஏற்பட்டது. இதனால், அவர் இப்போது வரை சிகிச்சைகளை மேற்கொண்டு வருகிறார்.

பிச்சைக்காரன் 2 திரைப்படத்தின் படப்பிடிப்பு மலேசியாவில் நடைபெற்ற போது விஜய் ஆண்டனிக்கு விபத்து நடந்தது. தற்போது அவர் நலமாக இருக்கிறார்.

மார்க் ஆண்டனி படத்தில் விஷால் நடித்து வருகிறார். சில நாட்களுக்கு முன்பு படப்பிடிப்பு தளத்தில், எதிர்பாராத விதமாக தொழில்நுட்பக் கோளாறால் லாரி நிற்காமல் ஓடியது. நூலிழையில் விஷாலும் அந்த படப்பிடிப்பு தளத்தில் இருந்த மற்றவர்களும் உயிர் தப்பினர்.

குட்டி புலி படத்தில் துணை கதாபாத்திரமாக நடித்த விஷ்வா விஜய், தற்போது புதிய படத்தில் நடித்து வருகிறார். அந்த படத்தின் ஷூட்டிங்கின் போது, பைக் ஸ்டண்ட் செய்த விஷ்வா, கீழே விழுந்து பலத்த காயத்திற்கு ஆளானார்.

இசையமைப்பாளர் ஏ.ஆர்.ரஹ்மானின் மகனாகிய அமீன், இசை நிகழ்ச்சி ஒன்றில், நடக்கவிருந்த விபத்தில் இருந்து தப்பினார். அந்த செட்டில் இருந்த சாண்ட்லியர் கீழே விழும் போது அமீன் தப்பினார்.

பாலிவுட் நடிகரான அமிதாப் பச்சனுக்கு, படப்பிடிப்பு தளத்தில் காயம் ஏற்ப்பட்டுள்ளது. பின்னர், அவர் வீடு திரும்பினார்.