Rajinkanth in Tiruvannamalai : திருவண்ணாமலையில் அமைச்சர் எ.வ.வேலுவை சந்தித்த நடிகர் ரஜினிகாந்த்!

ஐஸ்வர்யா ரஜினிகாந்த் இயக்கும் படத்தில் சிறப்பு தோற்றத்தில் நடிக்க ரஜினிகாந்த் ஒப்பந்தமானார். படத்தின் ஃபர்ஸ்ட் லுக் போஸ்டரில், “மொய்தீன் பாய் வந்தாச்சு.. சாந்தியும் சமாதானமும் உண்டாவதாக..” என குறிப்பிடப்பட்டது.

இப்படத்தின் படப்பிடிப்பு பரபரப்பாக திருவண்ணாமலையில் நடைப்பெற்று வருகிறது.

படப்பிடிப்பு தளமான திருவண்ணாமலைக்கு சென்ற ரஜினிகாந்த் சில நாட்களுக்கு முன்பு, அண்ணாமலையார் கோயிலுக்கு சென்று சுவாமி தரிசனம் செய்தார்.

தற்போது, திருவண்ணாமலை தொகுதியின் சட்டமன்ற உறுப்பினர் மற்றும் பொதுப்பணிகள், நெடுஞ்சாலைகள் மற்றும் சிறு துறைமுகங்கள் துறை அமைச்சர் எ. வ. வேலுவை சந்தித்துள்ளார் ரஜினி.

ரஜினிக்கு திருவள்ளுவர் சிலையை பரிசாக கொடுத்துள்ளார் அமைச்சர் எ.வ.வேலு. இவர்கள் இருவரும் சந்தித்து கொண்ட போது எடுக்கப்பட்ட புகைப்படம் இணையத்தில் வெளியாகியுள்ளது.

நெல்சன் இயக்கத்தில் உருவாகி வரும் ஜெயிலர் படத்தின் ஃபர்ஸ்ட் சிங்கிள் ப்ரோமோ இன்று மாலை 6 மணிக்கு வெளியாகும் என்பது குறிப்பிடதக்கது.