Chandramukhi 2 : வெளியானது சந்திரமுகி 2 திரைப்படத்தின் அதிகாரபூர்வ தகவல்..ரிலீஸ் எப்போது?

சந்திரமுகி பட முதல் பாகத்தின் வெற்றியை தொடர்ந்து 17 வருடங்கள் கழித்து 'சந்திரமுகி 2' திரைப்படம் பிரமாண்டமாக உருவாகி வருகிறது.

பி.வாசு இயக்கும் இப்படத்தில் ராகவா லாரன்ஸ் கதாநாயகனாக நடித்துள்ளார். கங்கனா ரனாவத் முக்கிய கதாப்பாத்திரத்தில் நடித்துள்ளார். மேலும் வடிவேலு உள்ளிட்ட பல திரைப்பிரபலங்கள் நடித்துள்ளனர்.

லைகா நிறுவனம் தயாரிப்பில் உருவாகும் இப்படத்திற்கு எம்.எம். கீரவாணி இசையமைக்கிறார்.

இந்த படத்தின் படப்பிடிப்பு தொடர்பான புகைப்படங்களை அவ்வப்போது சமூக வலைதளங்களில் படக்குழு வெளியிட்டு வந்தது. இதையடுத்து இப்படத்தின் படப்பிடிப்பு சமீபத்தில் நிறைவு பெற்றது.

இந்நிலையில், 'சந்திரமுகி 2' படத்தின் புதிய அறிவிப்பு வெளியாகும் என ஏற்கனவே படக்குழு போஸ்டர் ஒன்றை பகிர்ந்திருந்தது.

அதன்படி லைகா நிறுவனம் படத்தின் ரிலீஸ் தேதியை அறிவித்துள்ளது. மிகவும் எதிர்பார்க்கப்பட்ட சந்திரமுகி 2 படம் விநாயகர் சதுர்த்தி ஆன வரும் செப்டம்பர் 19ம் தேதி அன்று வெளியாகும் என்று அறிவிக்கப்பட்டுள்ளது.