Salaar Trailer Update : ஆகஸ்ட் மாத இறுதியை குறிச்சு வெச்சுக்கோங்க..அடுத்தடுத்த அப்டேட்களுக்கு ஆயத்தமான சலார் படக்குழு!

பிரசாந்த் நீல் இயக்கும் சலார் படத்தின் முதல் பாக டீசர் முன்பு வெளியானது.

அந்த டீசரில் இடம்பெற்ற “சிங்கம், சிறுத்தை, புலி, யானை எல்லாம் ஆபத்தானதுதான்.. ஆனால் ஜுராசிக் பார்க்கில் இல்லை..” என்ற வசனம் செம ஹிட்டானது.

அதனை தொடர்ந்து வரும் ஒவ்வொரு ஃப்ரேம்களும் கே.ஜி.எஃப் படத்தை நினைவுப்படுத்தியது.

கே.ஜி.எஃப்பில் வரும் ராக்கி பாய் கில்லாடி என்றால் சலாரில் வரும் பிரபாஸின் கதாபாத்திரம் அதற்கும் மேலானது என்பது போல் காண்பிக்கப்பட்டுள்ளது.

தற்போது இந்த டீசர் வெளியான சில நாட்களிலேயே, 100 மில்லயன் பார்வைகளை கடந்து சாதனை படைத்துள்ளது.இதன் மூலம், எத்தனை முறை வேண்டுமானலும் ஹீரோவுக்கு பில்-டப் கொடுங்கள், அதை நாங்கள் ஏற்றுக்கொள்கிறோம் என்பது இன்றைய காலத்து சினிமா ரசிகர்களின் மைண்ட்-செட்டாக உள்ளது என்பது தெரிகிறது.

சலார் படத்தை தயாரிக்கும் ஹொம்பாலே நிறுவனம் நன்றி செலுத்தும் விதமாக அறிவிப்பு ஒன்றை வெளியிட்டுள்ளது. அதில்,‘பெரிதும் எதிர்பார்க்கப்பட்ட படத்தின் முன்னோட்டம் ஆகஸ்ட் மாத இறுதியை உங்களின் குறிப்பேடுகளில் குறித்து வைத்துக் கொள்ளவும். மறக்க முடியாத அனுபவத்திற்கும் தயாராகுங்கள்.’ என குறிப்பிடப்பட்டுள்ளது.