Premam Re-release : மீண்டும் ஒருமுறை மனதை கொள்ளை கொள்ள வரும் மலர்..ரீ-ரிலீஸ் ஆகிறது பிரேமம்!

கடந்த 2015 ஆம் ஆண்டு அல்போன்ஸ் புத்திரன் இயக்கத்தில் நிவின் பாலி, சாய் பல்லவி, அனுபமா பரமேஸ்வரன், மடோனா செபாஸ்டியன் உள்ளிட்டோர் நடிப்பில் வெளியான திரைப்படம் பிரேமம்.

மலையாளத்தில் மட்டும் வெளியாகி இருந்தாலும் இப்படத்திற்கு இந்தியா முழுக்க ரசிகர்கள் இருக்கிறார்கள் என்றே சொல்ல வேண்டும்.

மாநிலம், மொழி என அனைத்து தடைகளையும் தாண்டி பிரேமம் திரைப்படத்தின் பாடல்கள் ஒலித்தன.

சினிமா உலகின் மிகவும் காதலிக்கப்பட்ட டீச்சராக மலர் டீச்சர் ஆனார்.

இன்றளவும் மக்கள் மனதில் நின்ற மலையாள படங்கள் வரிசையில் பிரேமம் திரைப்படத்திற்கு நிச்சயம் இடம் இருக்கும் என்பதே நிதர்சனம்.

தற்போது பிரேமம் திரைப்படம் வரும் பிப்ரவரி மாதம் ரீ-ரிலீஸ் ஆகும் என்று அறிவிக்கப்பட்டுள்ளது. இந்த அறிவிப்பால் சினிமா ரசிகர்கள் சந்தோஷ கடலில் மூழ்கியுள்ளனர்.