Jailer 2 : அடடே! இவங்க எல்லாரும் கூட்டணி சேர போறாங்களா... தீயாய் பரவம் ஜெயிலர் 2 அப்டேட்!
நெல்சன் திலீப்குமார்- ரஜினிகாந்த் கூட்டணியில் கடந்த ஆண்டு மாஸ் ஹிட் அடித்த திரைப்படம் ஜெயிலர்.
தற்போது லைகா நிறுவனத்தின் தயாரிப்பில் த செ. ஞானவேல் இயக்கத்தில் நடிகர் ரஜினிகாந்த் நடித்து வரும் 'வேட்டையன்' திரைப்படம் இறுதிகட்டத்தை நெருங்கிவிட்டது. இப்படம் ஏப்ரல் மாதம் வெளியாகும் என எதிர்பார்க்கப்படுகிறது.
அதை தொடர்ந்து தலைவர் 172 மற்றும் லோகேஷ் கனகராஜ் இயக்கத்தில் ஒரு படத்திலும் நடிக்க உள்ளார் ரஜினிகாந்த் என்ற பேச்சுக்கள் அடிபட்டன.
தற்போது தலைவர் 172 படம் குறித்த அப்டேட் ஒன்று வெளியாகியுள்ளது. மீண்டும் நெல்சன் - ரஜினிகாந்த் கூட்டணியில் ஜெயிலர் 2 திரைப்படம் உருவாகியுள்ளது என்ற தகவல் வெளியாகியுள்ளது. இப்படத்தின் போஸ்ட் புரொடக்ஷன் பணிகள் நடைபெற்று வருகின்றன. 2025ம் ஆண்டு ஜூன் மாதத்தில் ஷூட்டிங் துவங்கலாம் என எதிர்பார்க்கப்படுகிறது.
மேலும் கூஸ் பம்ஸ் மொமெண்ட் ஒன்று ஜெயிலர் 2 படத்தில் காத்திருக்கிறது. நடிகர் விஜய் கேமியோ ரோலில் நடிக்க வைக்கவும், நயன்தாராவை ரஜினிக்கு ஹீரோயினாக நடிக்க வைக்கவும் பேச்சுவார்த்தைகள் நடைபெற்று வருகின்றன என கூறப்படுகிறது.
ஜெயிலர் முதல் பாகத்தில் விநாயகன் வில்லனாக வெகு சிறப்பாக மிரட்டலாக நடித்திருந்தார். ஜெயிலர் 2 படத்தில் ரஜினிக்கு வில்லனாக தெலுங்கு திரையுலக நடிகர் ஒருவரை நடிக்க வைக்க பிளான் செய்துள்ளாராம் நெல்சன்.
காத்துவாக்கில் வெளியான இந்த தகவல்கள் அனைத்தும் ஜெயிலர் 2 படம் குறித்த எதிர்பார்ப்பினை மேலும் மேலும் தூண்டியுள்ளது