Mufasa The Lion King : நடுங்கும் சிங்க குட்டி காட்டுக்கே ராஜாவான கதை.. மெய் சிலிர்க்க வைக்கும் முஃபாசா போஸ்டர்!

காட்டுக்கே ராஜாவான சிங்கத்தை வைத்து இதுவரையில் 2 லயன் கிங் படங்கள் வந்துள்ளது. 1994 ஆம் ஆண்டில் ஒன்றும், 2019 ஆம் ஆண்டில் மற்றொன்றும் வெளியானது.

இரண்டிலும் ஒரே கதைதான். ஆனால், கால மாற்றத்தில் அப்டேட்டான டெக்னாலஜிக்கு ஏற்றவாறு அந்தந்த படங்கள் உருவானது.

பொறாமை, பகை, வஞ்சம், போராட்டம், தேடல், காதல், வாய்மை என இயற்கைகே உரித்தான விஷயங்களை படத்தில் காணலாம். இவற்றை ஏதோ ஒருவகையில் நம்முடைய வாழ்விலும் பொருத்தி பார்க்க முடியும்.

இந்நிலையில், சூழ்ச்சியால் கொலை செய்யப்படும் சிம்பாவின் தந்தை முஃபாசா கடந்து வந்த பாதையை வைத்து உருவாகியுள்ளது முஃபாசா : தி லயன் கிங் படம்

அரச குடும்பத்தை சாராது, அனாதையாக வளர்ந்து தனக்கான ஆட்சியை உருவாக்கும் முஃபாசாவின் கதை மெய்சிலிர்க்க வைக்கிறது.

போஸ்டரில் நடுக்கத்துடன் காணப்படும் சிங்க குட்டியும் பிடரியுடன் கம்பீரமாக இருக்கும் சிங்கமும், கதையின் சாராம்சத்தை விளக்கும்படி வடிவமைக்கப்பட்டுள்ளது. இப்படம் வருகிற டிசம்பர் 20 ஆம் தேதி வெளியாகும் என்ற அறிவிப்பும் வந்துள்ளது.