Manjummel Boys : ட்ரெண்டிங்கில் மஞ்சும்மல் பாய்ஸ்.. அப்படி அந்த படத்தில் என்னதான் இருக்கு?

கடந்த பிப்ரவரி 22 ஆம் தேதி வெளியான படம் மஞ்சும்மல் பாய்ஸ். செளபின் சாஹிர், ஸ்ரீநாத் பாஸி , மரியம் ஜார்ஜ் உள்ளிட்ட பலர் இதில் நடித்துள்ளனர்.

கொச்சியில் மஞ்சும்மல் என்கிற ஊரைச் சேர்ந்த ஒரு நண்பர்கள் குழுவுக்கு நிகழ்ந்த உண்மைச் சம்பவங்களை மையமாக வைத்து இந்தப் படம் எடுக்கப்பட்டிருக்கிறது

மஞ்சும்மல் பாய்ஸ் படத்தை சுருக்கமாக விவரிக்க வேண்டும் என்றால் கமலின்குணா படத்தில் காதலுக்கு சின்னமாக காண்பிக்கப்பட்டிருக்கும் இந்த குகை, இங்கு நட்பின் சின்னமாக காண்பிக்கப்பட்டிருக்கிறது.

கேரளாவை சேர்ந்த பால்ய காலத்து சிநேகிதர்கள், கொடைக்கானலுக்கு சுற்றுலா செல்ல முடிவு செய்கிறார்கள். கொண்டாட்டமாக செல்லும் இந்த சுற்றுலாவில் எதிர்பாராத விதமாக அசம்பாவிதம் ஒன்று ஏற்படுகிறது.இதற்கு பிறகு நடப்பவையே மீதக்கதை.

குறிப்பாக படத்தின் கடைசி அரை மணி நேரம் நம்மை இருக்கையில் கட்டிப்போட்டு வைக்கிறது.

விமர்சன ரீதியாக படத்தின் ஓப்பனிங்கும் க்ளைமேக்ஸும் இன்னும் கொஞ்சம் அழுத்தமானதாக இருந்திருக்கலாம். ஒட்டுமொத்தமாக படத்தைப் பார்த்தப் பின் இந்த இரண்டு காட்சிகள் அவ்வளவு முக்கியமானவையாக தெரியவில்லை.

ஒரு நல்ல சர்வைவல் டிராமா பார்க்க நினைப்பவர்கள் மஞ்சும்மல் பாய்ஸ் படத்தை தாராளமாக பார்க்கலாம்