Maamannan 2nd single : அடுத்தடுத்து அப்டேட் கொடுக்கும் மாமன்னன் படக்குழு..2 ஆம் பாடல் வெளியீட்டு தேதி அறிவிப்பு!

இயக்குநர் மாரி செல்வராஜ் இயக்கத்தில் உதயநிதி ஸ்டாலின், வடிவேலு, கீர்த்தி சுரேஷ், ஃபஹத் ஃபாசில் ஆகியோர் நடிப்பில் உருவாகியுள்ள படம் மாமன்னன்.

இப்படத்தின் முதல் பாடலான ’ராசா கண்ணு’ கடந்த 19 ஆம் தேதி வெளியானது.

அந்த பாடலுக்கு ஏ.ஆர்.ரஹ்மான் இசையமைக்க வடிவேலு பாடியிருந்தார்.

ராசா கண்ணு பாடல் ரசிகர்கள் மத்தியில் நல்ல வரவேற்பை பெற்றுள்ள நிலையில் அந்த படத்தின் இரண்டாம் பாடல் வரும் 27 ஆம் தேதி வெளியாகும் என்ற அறிவிப்பை வெளியிட்டுள்ளது படக்குழு.

மிகுந்த எதிர்ப்பர்ப்புடன் உருவாகியுள்ள இந்த படத்தின் இசை வெளியீட்டு விழா வரும் ஜூன் 1 ஆம் தேதி சென்னையில் நடக்கவுள்ளது.

பிரமாண்டமாக உருவாகியுள்ள மாமன்னன் ஜூன் 29 ஆம் தேதி திரைக்கு வர உள்ளது குறிப்பிடத்தக்கது.