Lover OTT release: ஓடிடிக்கு தயாராகிவிட்டது மணிகண்டனின் 'லவ்வர்' திரைப்படம்!

தமிழ் சினிமாவில் வளர்ந்து வரும் நடிகர்களில் ஒருவர் நடிகர் மணிகண்டன்.

மணிகண்டன் நடிப்பில் கடந்த ஆண்டு வெளியான 'குட் நைட்' திரைப்படம் விமர்சன ரீதியிலும் வசூல் ரீதியிலும் நல்ல ஒரு வரவேற்பை பெற்றது.

இயக்குநர் பிரபு ராம் வியாஸ் இயக்கத்தில் நடிகர் மணிகண்டன் நடிப்பில் கடந்த 9ம் தேதி வெளியான திரைப்படம் 'லவ்வர்'.

ஸ்ரீ கௌரி பிரியா, கண்ணா ரவி, நிகிலா சங்கர், அருணாசலேஸ்வரன், பிந்து பாண்டு மற்றும் பலர் நடித்திருந்தனர்.

விமர்சன ரீதியாக மக்கள் மத்தியில் நல்ல வரவேற்பை பெற்றது.

வரும் மார்ச் 27ம் தேதி முதல் டிஸ்னி பிளஸ் ஹாட்ஸ்டாரில் 'லவ்வர்' திரைப்படம் ஸ்ட்ரீமிங் செய்யப்பட உள்ளது என்ற அதிகாரபூர்வமான தகவல் வெளியாகியுள்ளது.