Lokesh Kanagaraj : சொகுசு காரை வாங்கிய ட்ரெண்டிங் இயக்குநர் லோகேஷ் கனகராஜ்!

மாநகரம் படத்தின் மூலம் தமிழ் சினிமாவில் கால் பதித்தவர் லோகேஷ் கனகராஜ். வித்தியாசமான கதை களம் சுவாரசியமான திரைக்கதை கொண்ட மாநகரம் படம் மாபெரும் வெற்றி பெற்று மக்களிடையே நல்ல வரவேற்பை பெற்றது

மாநகரம் படத்தை தொடர்ந்த, பிகில் படத்துடன் க்ளாஷ் செய்தது கார்த்தியின் கைதி. விஜய் படத்தை விட லோகேஷ் இயக்கிய கைதி படத்தை மக்கள் பாராட்டினர்.

இவரின் திறமையை பார்த்த நடிகர் விஜய் இவருக்கு கால் ஷிட் கொடுத்தார். அந்த படம் மாஸ்டர் என்ற பெயரில் வெளியாகி நல்ல வரவேற்பை பெற்றது.

ஹாலிவுட்டில் பார்க்க முடிந்த சினிமாட்டிக் யுனிவெர்ஸ் கான்செப்டை, தமிழ் சினிமாவிற்கு விக்ரம் படம் மூலம் கொண்டு வந்தார் லோக்கி.

இரண்டாவது முறையாக விஜய்யுடன் இணைந்து லியோ படத்தை இயக்கி வருகிறார். இப்படம் குறித்த அப்டேட்கள் ஒன்றின் பின் ஒன்றாக வெளியாகி வருகிறது.

இந்நிலையில், லோகேஷ் கனகராஜ் இன்று கருப்பு நிற பிஎம்டபிள்யூ 7 சீரிஸ் காரை வாங்கியுள்ளார். இந்த காரின் மதிப்பு 1.70 கோடி ரூபாய் என்பது குறிப்பிடதக்கது.