Raghu Thatha : அல்லு அர்ஜூனுடன் மோதும் கீர்த்தி சுரேஷ்... ரகு தாத்தா ரிலீஸ் தேதி எப்போது?

தமிழ், தெலுங்கு, மலையாளம் என தென்னிந்திய திரையுலகில் முன்னணி நடிகையாக வலம் வருபவர் நடிகை கீர்த்தி சுரேஷ்.

பேபி ஜான் என்ற படத்தின் மூலம் பாலிவுட்டில் அறிமுகமாக உள்ளார். இந்து அட்லீ - விஜய் காம்போவில் தமிழ் வெளியாகி சூப்பர் ஹிட் வெற்றி பெற்ற 'தெறி' படத்தின் ஹிந்தி ரீமேக்.

ஹோம்பாலே பிலிம்ஸ் நிறுவனத்தின் தயாரிப்பில், சுமன்குமார் இயக்கத்தில்  கீர்த்தி சுரேஷ் லீட் ரோலில் நடித்துள்ள திரைப்படம் 'ரகு தாத்தா'.

இந்தி மொழி எதிர்ப்பு போராட்டத்தை மையமாக வைத்து உருவாகியுள்ள இப்படத்தில் எம்.எஸ். பாஸ்கர், தேவதர்ஷினி, ராஜீவ் ரவீந்திரநாதன், ஜெயக்குமார் உள்ளிட்ட பலர் முக்கிய கதாபாத்திரத்தில் நடித்துள்ளனர். 

சுதந்திர தினத்தை முன்னிட்டு இப்படம் ஆகஸ்ட் 15ம் தேதி வெளியாக உள்ளது என்ற அறிவிப்பை படக்குழு வெளியிட்டுள்ளது.

அல்லு அர்ஜுனின் புஷ்பா 2 படத்துடன் நேரடியாக மோத அதே நாளில் களத்தில் குதிக்கிறது ரகு தாத்தா.