Kamal Haasan : 12 கெட்டப்களில் கலக்கும் இந்தியன்... தீவிரம் எடுக்கும் புரொமோஷன் பணிகள்!

ஷங்கர் இயக்கத்தில் நடிகர் கமல்ஹாசன் நடித்துள்ள திரைப்படம் 'இந்தியன் 2'.

ஜூலை 12ம் தேதி இப்படம் வெளியாக உள்ள நிலையில் கடந்த இரு தினங்களுக்கு முன்னர் தான் இந்தியன் 2 படத்தின் ட்ரைலர் வெளியானது.

இந்த ட்ரைலரில் கமல் பல்வேறு கெட்டப்களில் தோன்றியது குறித்தது பல விமர்சனங்கள் எழுந்தன.

நடிகர் கமல்ஹாசன் இந்தியன் 2 படத்தில் 7 கெட்டப்பில் மிரட்டியுள்ளார்.

அதே போல இந்தியன் 3 படத்தில் மேலும் 5 கெட்டப்களில் தோன்ற உள்ளார்.

தற்போது இந்தியன் 2 படத்துக்கான புரொமோஷன் பணிகள் தீவிரமாக நடைபெற்று வருகின்றன. 

அந்த வகையில் உலகநாயகன் கமல்ஹாசன், எஸ்.ஜே.சூர்யா மற்றும் சித் ஸ்ரீராம் என மூவரும் சிங்கப்பூரில் இந்தியன் 2 படத்துக்கான புரொமோஷன் பணிகளுக்காக சென்றுள்ளனர்.