Hiphop Aadhi : ராப் பாடகர் முதல் நடிகர் வரை... தமிழ் சினிமாவை கலக்கும் ஹிப் ஹாப் ஆதியின் பிறந்தநாள் இன்று!

ராப் பாடல்கள் மூலம் ரசிகர்களை கவர்ந்த ஹிப் ஹாப் ஆதி தற்போது நடிகராகவும் கலக்கி கொண்டிருக்கிறார்.

2015 ஆம் ஆண்டில் சுந்தர் சி இயக்கத்தில் வெளியான ஆம்பள திரைப்படத்தின் மூலம் இசையமைப்பாளராக அவதாரம் எடுத்தார்.

தனி ஒருவன் திரைப்படத்தின் பிரமாண்ட வெற்றி மூலம், தமிழ் சினிமாவில் முன்னணி இசையமைப்பாளராக வலம் வந்தார்.

அதைதொடர்ந்து, தனது வாழ்வில் நடந்த சம்பவங்களை மையமாக கொண்டு, 2017 ஆம் ஆண்டில் மீசைய முறுக்கு படத்தை, எழுதி, இயக்கி, இசையமைத்து நாயகனாக நடித்து இருந்தார்.

மீசைய முறுக்கு படம் கொடுத்த வெற்றியை தொடர்ந்து, முழு நேர நாயகனாக மாறினார் ஹிப் ஹாப் ஆதி.

நட்பே துணை, நான் சிரித்தால், சிவகுமாரின் சபதம், அன்பறிவு போன்ற படங்களில் நடித்தார்.

இந்நிலையில், ஹிப் ஹாப் ஆதி இன்று தனது பிறந்தநாளை கொண்டாடுகிறார்.

அவரின் பிறந்தநாளை முன்னிட்டு, ஏ.ஆர்.கே.சரவணன் இயக்கத்தில் வெளிவர இருக்கும் வீரன் திரைப்பட ஃபர்ஸ்ட் லுக் போஸ்டர் இன்று வெளியானது.

தற்போது வெளியாக உள்ள வீரன் திரைப்படத்தின் போஸ்டர் சமூக வலைதளங்களில் ட்ரண்டாகி வருகிறது.