கண்டா வரச்சொல்லுங்க... அவனுக்கு கையோடு ‛ஹேப்பி பர்த்டே’ சொல்லுங்க!

2012ஆம் ஆண்டு அட்டகத்தி என்ற திரைப்படத்தின் மூலம் இசையமைப்பாளராக அறிமுகமானார்.

அதைத் தொடர்ந்து பீட்சா, சூது கவ்வும், பீட்சா II: வில்லா, குக்கூ, ஜிகர்தண்டா, மெட்ராஸ் போன்ற தமிழ் திரைப்படங்களுக்கும் மற்றும் பில்லா ரங்கா என்ற ஒரு தெலுங்கு திரைப்படத்திற்கும் இசையமைத்துள்ளார்.

2013ஆம் ஆண்டு சூது கவ்வும் என்ற திரைப்படத்துக்கு இசையமைத்ததற்காக சிறந்த பின்னணி இசைக்கான ஒரு விருதை வென்றார்.

2012-ல் அறிமுகமான ரஞ்சித், கார்த்திக் சுப்புராஜ் இருவரும் முக்கியமான இயக்குநர்களாகிவிட்ட நிலையில் அவர்களின் ஆஸ்தான இசையமைப்பாளராகத் தொடர்கிறார் சந்தோஷ் நாராயணன்.

‘கபாலி’, ‘காலா’, ‘வடசென்னை’ படங்களில் அவருடைய தீம் இசை, பாடல்களுக்கு இணையான வெற்றியைப் பெற்றன.

இன்னும் பல சாதனைகளைக் குவித்துத் திரை இசை வானில் மின்னும் நட்சத்திரமாக நிலைக்க அவரை மனதார வாழ்த்துவோம்.