Kanguva Villain : கங்குவாவில் வில்லனாக நடிக்க போகும் நபர் இவர்தானா? நாளுக்கு நாள் எகிறும் எதிர்பார்ப்புகள்!

தமிழ் சினிமாவின் முன்னணி நடிகர்களில் ஒருவராக திகழும் சூர்யா தற்போது, இயக்குநர் சிறுத்தை சிவா இயக்கத்தில் நடித்து வரும் படம்தான் ‘கங்குவா’.

இந்த படத்தில் திஷா பதானி, யோகிபாபு, ரெடின் கிங்ஸ்லி உள்ளிட்ட பலரும் நடிக்கின்றனர்.

முப்பரிமாண தொழில்நுட்பத்தில் உருவாகி வரும் இந்த படத்தில் சூர்யா 5 வித்தியாசமான ரோலில் நடித்து வருகிறார். இது பான் இந்திய அளவில் பத்து மொழிகளில் வெளியாகிறது.

ஏற்கனவே இப்படத்தின் போஸ்டர்கள், ஃபர்ஸ்ட் லுக் மற்றும் படத்தின் க்ளிம்ஸ் வீடியோ வெளியாகி ரசிகர்கள் மத்தில் நல்ல வரவேற்பை பெற்றது.

தற்போது, இப்படத்தில் பாலிவுட் நடிகர் பாபி தியோல் முக்கிய வில்லன் கதாப்பாத்திரத்தில் நடித்துள்ளார் என தகவல் வெளியாகி உள்ளது.

இதற்கு முன்னர் பிரபல ஒளிப்பதிவாளர் நட்ராஜ் கங்குவா படத்தில் வில்லனாக நடிக்க போவதாக தகவல் வெளியாகியது. இப்படி நாளுக்கு நாள் படத்தின் மீதான எதிர்பார்ப்பு ஏறிக்கொண்டே போகிறது.