அமெரிக்க, சீன நாடுகளுக்கிடையே வர்த்தக போர் நிகழ்ந்து வரும் நிலையில், தைவான் விவகாரத்தில் இரு நாடுகளுக்கிடையே பதற்றம் நிலவி வருகிறது. உலக அரங்கில் இந்த பிரச்னையை மூடி மறைப்பது என்பது சமீப காலமாகவே கடினமாக மாறி வருகிறது. இந்த சூழலில் அமெரிக்க நாடாளுமன்ற கீழ் சபையின் சபாநாயகரான நான்சி பெலோசி தைவான் சென்றடைந்தார்.
தனித் தன்மை வாய்ந்த ஜனநாயக அரசை கொண்டுள்ள தைவானுக்கு அமெரிக்க அரசில் முக்கிய பதவியை வகிக்கும் ஒரு தலைவர் செல்வது அமெரிக்கா - சீன நாடுகளுக்கிடையே பிரச்னையாக வெடித்துள்ளது. அமெரிக்க அரசின் அலுவலர்கள் தைவானுக்கு அடிக்கடி சென்றாலும், சீன நிலப்பரப்பில் இருந்து ஒரு குறுகிய நீரால் பிரிக்கப்பட்டிருக்கும் தைவானுக்கு, பெலோசி பயணம் மேற்கொள்வது சீனாவுக்கு ஆத்திரத்தை மூட்டும் எனத் தெரிகிறது. அமெரிக்க அதிபராக வருவதற்கு அவருக்கு வாய்ப்புள்ளதாலும் அவர் வகிக்கும் பதவியாலும் அவர் ராணுவ போக்குவரத்துடன் தைவானுக்கு சென்றிருக்கலாம் எனக் கூறப்பட்டுள்ளது.
ஏற்கெனவே உக்ரைன் - ரஷ்யா இடையே போர் நிலவிய நிலையில் அது நேர்முகமாகவும், மறைமுகமாகவும் உடல நாடுகளுக்கு பாதிப்பை ஏற்படுத்தியது. இந்நிலையில் தற்போது படையில் உலகின் பெரிய நாடுகளான அமெரிக்காவும் சீனாவும் சீறிக்கொண்டிருப்பதால் மீண்டும் ஒரு போர் தொடங்குமா என்ற அச்சத்தில் உலக நாடுகள் உள்ளன.
முன்னதாக, இரு நாட்டு அதிபர்களும் தொலைபேசியில் தொடர்புகொண்டு பேசியுள்ளனர். அப்போது, நெருப்போடு விளையாட வேண்டாம் என அமெரிக்க அதிபர் ஜோ பைடனை சீன அதிபர் ஷி ஜின்பிங் எச்சரித்துள்ளார். இதுகுறித்த தகவல் சீன அரசு ஊடகத்தில் வெளியானது.
இந்நிலையில் தன்னுடைய தைவான் பயணம் குறித்து ட்விட்டரில் பதிவிட்டுள்ளார் பெலோசி