விழுப்புரம் மாவட்டம் திண்டிவனம் அருகே மின்சாரம் தாக்கி மூன்று வயது குழந்தை உயிரிழந்த சம்பவம் சோகத்தை ஏற்படுத்தியுள்ளது.
மின்சாரம் தாக்கி மூன்று வயது குழந்தை பலி
விழுப்புரம் மாவட்டம் திண்டிவனம் அருகே எலவலப்பாக்கம் கிராமத்தை சேர்ந்தவர் சரவணன், இவர் கும்பகோணத்தில் உள்ள பிரபல தனியார் உணவகத்தில் தலைமை சமையலறாக உள்ளார். இவரது குடும்பத்தினர் எலவலப்பாக்கம் கிராமத்தில் வசித்து வருகின்றனர். சரவணன் கருத்தம்மாள் தம்பதியினருக்கு இரண்டு மகன்கள் அதில் மூத்த மகன் 1ம் வகுப்பு படித்து வருகிறார். அவரது இளைய மகன் இசை அமுதன் வயது (3) தனது வீட்டில் விளையாடிக் கொண்டிருந்தான்.
குழந்தையின் அலறல் சத்தம்
அப்பொழுது திடீரென அவனது அலறல் சத்தம் கேட்டு வெளியே இருந்தவர்கள் உள்ளே சென்று பார்த்தபோது மூச்சு பேச்சுற்ற நிலையில் இருந்தார். இதனையடுத்து அந்த குழந்தையை திண்டிவனம் அரசு பொது மருத்துவமனைக்கு உறவினர்கள் கொண்டு சென்றனர். குழந்தையை பரிசோதனை செய்த மருத்துவர்கள் ஏற்கனவே இறந்து விட்டதாக மருத்துவர்கள் தெரிவித்தனர்.
3 வயது குழந்தை உயிரை பறித்த டேபிள் பேன்
இது குறித்து போலீசாரின் முதல் கட்ட விசாரணையில், வீட்டில் இருந்த டேபிள் பேன் ஒயரைப் குழந்தை பிடித்ததால் அதிலிருந்து வந்த மின்சாரம் தாக்கி மூன்று வயது குழந்தை இசை அமுதன் உயிரிழந்தது விசாரணையில் தெரியவந்தது. இது குறித்து பிரம்மதேசம் போலீசார் வழக்கு பதிவு செய்து விசாரணை நடத்தி வருகின்றனர். மின்சாரம் தாக்கி மூன்று வயது குழந்தை பலியான சம்பவம் சோகத்தை ஏற்படுத்தியுள்ளது.