திருவண்ணாமலையில் பெட்ரோல் விலை லிட்டருக்கு 110 ரூபாய் எட்டியதால் வாகனஓட்டிகள் கடும் அதிர்ச்சியடைந்துள்ளனர்.பெட்ரோல், டீசல் விலை எப்போதாவது ஒருமுறை தான் உயர்த்தப்படும் என்ற நிலைமாறி, தங்கம் விலை நிர்ணயம் செய்வது போலவே தற்போது பெட்ரோல், டீசல் விலையும் தினசரி நிர்ணயிக்கப்படுகிறது. எண்ணெய் நிறுவனங்களின் கூட்டமைப்பு தாமாகவே விலையை நிர்ணயித்து கொள்ளலாம் என அனுமதி வழங்கப்பட்டதை தொடர்ந்து, நாடு முழுவதும் பெட்ரோல், டீசல் விலை உயர்வு கட்டுப்படுத்த முடியாதயளவில் உச்சத்தைத்தொட்டு வருகிறது.
தற்போது பெட்ரோல், டீசல் விலையை அடிப்படையாக கொண்டு, சரக்கு வாகனங்களின் வாடகை, போக்குவரத்து கட்டணம் உயர்கிறது. காய்கறி முதல் கட்டுமான பொருட்கள் வரை அனைத்து பொருட்களின் விலையும் உயர்கிறது.
உதாரணமாக திருவண்ணாமலையில் இருந்து முன்பைய பெட்ரோல் விலை 99 ரூபாய் இருந்த போது திருவண்ணாமலை யில் இருந்து மணலூர்பேட்டைக்கு 23 கிலோமீட்டர் நான்கு சக்கர சரக்கு வாகனத்திற்கு வாடகை 300 ரூபாய் இருந்தது தற்போது அதனுடைய வாடகை 800 ரூபாய் ஆக உள்ளது. எனவே, வாகனஓட்டிகள் மட்டுமின்றி, அனைத்துத்தரப்பினருக்கும் கடும் பாதிப்பை ஏற்படுகிறது.
5 மாநில தேர்தல் முடியும் வரை, பெட்ரோல் டீசல் விலை உயர்வை அறிவிக்காமல் வைத்திருந்த ஒன்றிய அரசு, தேர்தல் முடிந்ததும் விலையை அடுத்தடுத்து உயர்த்தி வருகிறது. பெட்ரோல், டீசல், சமையல் கேஸ் விலை நாளுக்குநாள் உயர்ந்து வருகிறது. திருவண்ணாமலையில் நேற்று பெட்ரோல் விலை ஒரு லிட்டர் 110.25 என நிர்ணயிக்கப்பட்டது. மேலும், ஒரு லிட்டர் டீசல் 100.54 ஆக நிர்ணயிக்கப்பட்டது.
இன்று பெட்ரோல் விலை 111.73, டீசல் விலை 101.81ஐ தொட்டிருப்பதால் பொதுமக்கள் கடும் அதிர்ச்சியடைந்துள்ளனர். இன்றைய கால கட்டத்தில் மோட்டார் சைக்கிள் என்பது அனைவரது வாழ்க்கையிலும் ஒரு அங்கமாக உள்ளது.மோட்டார் சைக்கிள்கள் இல்லாத வீடுகளை பார்ப்பதே அரிதாகி விட்டது. ஏழை, எளிய மக்களின் மாதாந்திர குடும்ப செலவில் பெட்ரோலுக்கு பெரும் பகுதியை செலவு செய்ய வேண்டிய நிலை ஏற்பட்டு உள்ளது. கடந்த 2 ஆண்டுகளாக கொரோனா காரணமாக பொதுமக்கள் வாழ்வாதாரம் கடுமையாக பாதிக்கப்பட்டு இருந்தது. தற்போது பொதுமக்கள் தங்களின் வாழ்வாதாரத்தில் இருந்து படிப்படியாக மீண்டு வரும் நிலையில், பெட்ரோல், டீசல் விலை உயர்வு சாமானிய மக்களை நிலைகுலையச் செய்திருக்கிறது.
நடுத்தர ஏழை எளிய மக்களின் மாதாந்திர பட்ஜெட்டில் பெட்ரோல், டீசல் செலவு கணிசமாக அதிகரித்திருப்பது பெரும் நெருக்கடியை உருவாக்கி இருக்கிறது. எனவே, பெட்ரோல் டீசல் விலையை உடனே கட்டுக்குள் கொண்டு வர வேண்டும் என அனைத்து தரப்பு பொதுமக்களின் எதிர்பாக உள்ளது