கன்னியாகுமரி மாவட்டம் நாகர்கோவில்   வடசேரியில் புதிதாக அமைக்கப்பட்ட நம்ம நாகர்கோவில் என்னும் மாநகராட்சியின் 'செல்ஃபி பாயிண்ட், வரவேற்பு சின்னத்தை தமிழக தகவல் மற்றும் தொழில்நுட்பத் துறை அமைச்சர் மனோ தங்கராஜ், புதியதாக தேர்வு செய்யப்பட்ட மேயர் மகேஷ் ஆகியோர் ரிப்பன் வெட்டி திறந்து வைத்தனர்.

கன்னியாகுமரி மாவட்டம் நாகர்கோவில் மாநகராட்சிக்குட்பட்ட வடசேரி அண்ணா சிலை அருகே நம்ம நாகர்கோவில் என்ற செல்ஃபி பாயிண்ட் எந்த வரவேற்பு சின்னம் கடந்த சில தினங்களுக்கு முன்னர் வித்தியாசமான முறையில் வடிவமைக்கப்பட்டது. ஸ்ரீ குமரன் தங்க மாளிகை நகை கடையின் பங்களிப்புடன் நிறுவப்பட்ட இந்த செல்பி பாயின்ட் ஐ இன்று மாலை தமிழக தகவல் மற்றும் தொழில்நுட்பத்துறை அமைச்சர் மனோ தங்கராஜ் ரிப்பன் வெட்டி திறந்து வைத்தார்.

நாகர்கோவில் மாநகராட்சியின் புதிய மேயராக தேர்வு செய்யப்பட்ட மகேஷ், மாநகராட்சி ஆணையர் ஆஷா அஜித், உட்பட ஏராளமானோர் இந்த நிகழ்ச்சியில் கலந்து கொண்டனர். இந்த வரவேற்பு சின்னத்தில் நின்று ஏராளமானோர் செல்பி எடுத்து மகிழ்ந்தனர். நகரின் மையப் பகுதியில் நிறுவப்பட்ட இந்த சின்னம் நாகர்கோவில் நகர மக்களை மட்டுமல்லாது கன்னியாகுமரி மாவட்டம் மற்றும் பிற மாவட்டங்களில் இருந்து வரும் மக்களையும் வெகுவாக கவர்ந்துள்ளது.