கரூர் அருகே ஜவுளி ஏற்றுமதியில் பணிபுரியும் தொழிலாளர்களை ஏற்றி வந்த வேன் திடீரென தீ பிடித்ததால், பத்திரமாக தொழிலாளர்கள் இறக்கிவிடப்பட்டனர். ஆனால் வேன் முற்றிலும் எரிந்து நாசமானது.
கரூர் அருகே உள்ள டெக்ஸ்டைல் பார்க்கில் தனியார் ஏற்றுமதி நிறுவனம் செயல்பட்டு வருகிறது. மாவட்டத்தில் உள்ள பல்வேறு இடங்களில் இருந்து தொழிலாளர்களை வேனில் ஏற்றிக்கொண்டு செல்வது வழக்கம். இந்நிலையில் கரூர் மாவட்டம் லாலாபேட்டையில் இருந்து தனியார் நிறுவனத்தில் பணி புரியும் தொழிலாளர்களை, வேனில் ஏற்றிக்கொண்டு டெக்ஸ்டைல் பார்க் வந்து கொண்டிருந்த பொழுது சுக்காலியூர் அருகே வேன் மோட்டாரில் திடீரென தீ பிடித்து புகை கிளம்பியதால், ஓட்டுநர் மற்றும் பயணம் செய்த 15க்கும் மேற்பட்டோர் அலறி அடித்து இறங்கினர்.
பின்னர் தீயணைப்பு துறையினருக்கு தகவல் அளித்ததின் பேரில் விரைந்து வந்த கரூர் தீயணைப்பு துறையினர் தீப்பிடித்த வேனை அணைத்தனர். ஆனால் வேன் முற்றிலும் எரிந்து எலும்பு கூடாக காட்சி அளித்தது. ஜவுளி ஏற்றுமதியில் பணிபுரியும் தொழிலாளர்களை ஏற்றி வந்த வேன் திடீரென தீ பிடித்ததால், பத்திரமாக தொழிலாளர் இறக்கிவிடபட்டனர். ஆனால் வேன் முற்றிலும் எரிந்து நாசமானது. இந்த சம்பவத்தால் அப்பகுதியில் சிறிது நேரம் பரபரப்பு ஏற்பட்டது.
அரவக்குறிச்சி கடைவீதியில் கருவாட்டுக் கடைக்குள் புகுந்த கொம்பேறி மூக்கன் பாம்பினால் அப்பகுதி பரபரப்படைந்தது. தகவலறிந்த தீயனைப்புத் துறையினர் வந்து பாம்பை பிடித்தனர்.
அரவக்குறிச்சி பெரிய கடை வீதியில் கடைகளில் விற்பனை பரப்பாக இருந்த நேரத்தில் திடீரென்று அங்கு காய்கறி கடையின் அருகில் நின்று கொண்டிருந்த இரண்டு சக்கர வாகனத்திலிருந்து கொம்பேறி மூக்கன் பாம்பு ஒன்று ஊர்ந்து இறங்கியது. இதனைக் கண்டு பெரிய கடை வீதியில் சாமான்கள் வாங்கிக் கொண்டிகுந்த பொதுமக்கள் அலறி சத்தமிட்டனர். இதனால் கொம்பேறி மூக்கன் பாம்பு அருகிலிருந்த கருவாடு விற்பனை செய்யும் கடைக்குள் புகுந்தது.
பாம்பை பிடிக்க தீயணைப்பு படையினருக்கு தகவல் அளிக்கப்பட்டது. தீயணைப்பு படையினர் வந்து சிறிது நேர போராட்டத்திற்குப் பிறகு லாகவமாக பாம்பு பிடிக்கும் கருவி மூலம் கொம்பேறி மூக்கன் பாம்பை பிடித்து சாக்கில் போட்டு கட்டி வனப்பகுதியில் விடுவதற்காக எடுத்துச் சென்றனர். கூடியிருந்த பொதுமக்கள் நிம்மதி அடைந்தனர். இதனால் அரவக்குறிச்சி கடைவீதியில் சிறிது நேரம் பரபரப்பு ஏற்பட்டது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்