Tamil Nadu Coronavirus Case: தமிழ்நாட்டில் 16,000-க்கு கீழ் குறைந்தது கொரோனா பாதிப்பு எண்ணிக்கை!

தமிழ்நாட்டில் இன்று கொரோனா தொற்று காரணமாக 15 ஆயிரத்து 759 நபர்கள் பாதிக்கப்பட்டுள்ளனர். 29 ஆயிரத்து 243 நபர்கள் குணம் அடைந்து வீடு திரும்பியுள்ளனர்.

தமிழகத்தில் கொரோனா பரவல் கடந்த சில தினங்களாக ஊரடங்கு உள்ளிட்ட பல்வேறு காரணங்களால் குறைந்து வருகிறது. இந்த நிலையில், தமிழகத்தில் இன்று கொரோனாவால் பாதிக்கப்பட்டோர் எண்ணிக்கை 15 ஆயிரத்து 759 ஆக பதிவாகி உள்ளது. இன்று மட்டும் கொரோனா தொற்றில் இருந்து 29 ஆயிரத்து 243 நபர்கள் குணம் அடைந்து வீடு திரும்பியுள்ளனர். இன்று ஒரே நாளில் கொரோனா தொற்று காரணமாக 378 நபர்கள் உயிரிழந்துள்ளனர். தமிழகத்தில் இன்றைய நிலவரப்படி கொரோனா தொற்று காரணமாக 1 லட்சத்து 74 ஆயிரத்து 802 நபர்கள் சிகிச்சை பெற்று வருகின்றனர்.