முன்னாள் அமைச்சர் காமராஜ் வீட்டில் இன்று காலை முதல் லஞ்ச ஒழிப்புத்துறை போலீசார் தீவிர சோதனை நடத்தி வருகின்றனர். திருவாரூரில் உள்ள அவரது வீடு, மன்னார்குடி மற்றும் தமிழ்நாடு உள்பட 49 இடங்களில் அவருக்கு சொந்தமான இடங்களில் லஞ்ச ஒழிப்புத்துறை போலீசார் சோதனை நடத்தி வருகின்றனர்.
இதுதொடர்பாக, லஞ்ச ஒழிப்புத்துறை வெளியிட்ட பத்திரிகை செய்தியில் கூறியிருப்பதாவது,
முன்னாள் அமைச்சர், உணவு மற்றும் நுகர்பொருள் வழங்கல் துறை தற்போது நன்னிலம் தொகுதி சட்டமன்ற உறுப்பினர் திருவாரூர் மாவட்டம் காமராஜ் மீது வருமானத்திற்கு அறிகமாக சொத்து குவித்தது தொடர்பாக ஒரு விரிவான விசாரணை பதிவு செய்யப்பட்டு விசாரணை செய்யயப்பட்டது.
மேற்கண்ட விரிவான விசாரணையின்போது அவர் 01.04.2015 முதல் 31.03.2021 வரை உணவு மற்றும் நுகர்பொருள் வழங்கல் துறை அமைச்சராக இருந்த காலத்தில் அவருடைய அரசு பதவியை தவறாக பயன்படுத்தி, பல்வேறு ஊழல் நடவடிக்கையில் ஈடுபட்டு சுயலாபம் அடைந்து அவர் வருமானத்திற்கு அதிகமாக அசையும் மற்றும் அசையா சொத்துக்களை அவர் பெயரிலும் அது குடும்ப உறுப்பினர்கள் பெயரிலும் மற்றும் அவருடைய நெருங்கிய உறவினர்கள் மற்றும் நண்பர்கள் பெயரிலும் ரூ.58 கோடியே 44 லட்சத்து 36 ஆயிரத்து 252 ரூபாய் அளவுக்கு சொத்து சேர்த்துள்ளதாக தெரியவந்துள்ளது.
இந்த சாரணையின்கண்டறியப்பட்ட விபரங்களின் அடிப்படையில் திருவாரூர் ஊழன் தடுப்பு மற்றும் கண்காணிப்பு பிரிவு குற்ற எண்.47102 சட்டப் பிரியுதம் 1200 of IPC, 13(2) r/w 1301) (r), 13(2) r/w 13(1) el r/w 109 IPC. 13(2) r/w T3(1) (b) 12 r/w 13(2) r/w 13(1) (b) of PC Act as amended in 2018-ன் படி 1 திருகாவாஜ். முன்னாள் உளவு மற்றும் நுகர்பொருள் வழங்கல் துறை அமைச்சர் காமராஜ், எம்.கே.இனியன், இன்பன், ஆர்.சந்திரசேகரன், கிருஷ்ணமூர்த்தி மற்றும் உதயக்குமார் ஆகியோர்கள் மீது 07.07.2022ஆம் தேதி வழக்குதொடரப்பட்டு அந்த வழக்கு புலன் விசாரணையில் இருந்து வருகிறது.
இந்த வழக்கினை தொடர்ந்து சென்னை, கோயம்புத்தூர், திருச்சி, தஞ்சாவூர் மற்றும் திருவாரூர் மாவட்டங்களில் 49 இடங்களில் சோதனை நடைபெற்று வருகிறது.”
இவ்வாறு அதில் தெரிவிக்கப்பட்டுள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்