PM Modi Wishes Mallikarjun Kharge: காங்கிரஸ் தலைவர் மல்லிகர்ஜூன கார்கே இன்று தனது 81வது பிறந்த நாளைக் கொண்டாடுகிறார். இவருக்கு பல அரசியல் தலைவர்கள் வாழ்த்து தெரிவித்து வரும் நிலையில், பிரதமர் மோடி கார்கேவுக்கு தனது பிறந்த நாள் வாழ்த்துகளை தனது ட்விட்டர் பக்கத்தில் தெரிவித்துள்ளார்.
அதில் கார்கே நீண்ட நாட்களுக்கு நலமுடனும் வளமுடனும் வாழவேண்டும் என தெரிவித்துள்ளார்.
அதேபோல், காங்கிரஸ் முன்னாள் தலைவர் ராகுல் காந்தி தனது ட்விட்டர் பக்கத்தில் காங்கிரஸ் தலைவர் மல்லிகார்ஜுன கார்கேவுக்கு பிறந்த நாள் வாழ்த்துகள். உங்களது அர்பணிப்பும் விடாமுயற்சியும் எங்கள் அனைவருக்கும் சிறந்த எடுத்துக்காட்டாக உள்ளது. நீங்கள் அன்புடனும் உடல் நலமுடனும் இருக்க வாழ்த்துகள் என தெரிவித்துள்ளார்.
அதேபோல் ப்ரியங்கா காந்தி தனது ட்விட்டர் பக்கத்தில், காங்கிரஸ் தலைவர் கார்கேவுக்கு மகிழ்ச்சியான பிறந்த நாள் வாழ்த்துகள், நல்ல ஆரோக்கியம் மற்றும் மகிழ்ச்சியுடன் வாழ வாழ்த்துகள். உங்களின் அரசியல் ஞானமும் அனுபவமும் நாடு முழுவதும் உள்ள அனைத்து காங்கிரஸ் கட்சியினருக்கும் பெண்களுக்கும் பலமாக உள்ளது என குறிப்பிட்டுள்ளார்.