கொரோனா தொற்றுக்கு முன்பு இயங்கி வந்த மதுரை - திண்டுக்கல் - மதுரை ரயிலை  மீண்டும் இயக்க தெற்கு ரயில்வே ஏற்பாடு செய்துள்ளது.

 





அதன்படி திண்டுக்கல் - மதுரை முன்பதிவு இல்லாத சிறப்பு விரைவு ரயில் (06609) திண்டுக்கல்லில் இருந்து ஜூலை 11 முதல் காலை 08.00 மணிக்கு புறப்பட்டு காலை 09.20 மணிக்கு மதுரை வந்து சேரும். மறுமார்க்கத்தில் மதுரை - திண்டுக்கல் முன்பதிவில்லாத சிறப்பு விரைவு ரயில் (06610) மதுரையிலிருந்து ஜூலை 10 முதல்மாலை 06.10 மணிக்கு புறப்பட்டு இரவு 07.45 மணிக்கு திண்டுக்கல் சென்று சேரும்.




 

இந்த ரயில் அம்பாத்துரை, கொடைக்கானல் ரோடு, வாடிப்பட்டி, சோழவந்தான், சமயநல்லூர், கூடல் நகர் ஆகிய ரயில் நிலையங்களில் நின்று செல்லும்.