கேரளாவில் மொட்டை மாடியிலிருந்து கீழே விழுந்த நபரை, அவரது மூத்த சகோதரர் பிடித்த சம்பவம் அனைவரையும் ஆச்சரியத்தில் ஆழ்த்தியுள்ளது. அந்த நபர் கீழே விழுவதற்கு முன்பு, மூத்த சகோதரர் அவரை பிடித்துள்ளார். இருவரும், எந்த வித காயமும் இன்றி உயர் தப்பியுள்ளனர்.
சமூக ஊடகங்களில் பரவலாகப் பகிரப்பட்ட சிசிடிவி காட்சியில், மலப்புரம் மாவட்டத்தைச் சேர்ந்த இளைஞர் தலை கீழாக கீழே விழுகிறார். ஆனால், மற்றொருவர் அவரை பிடித்து விடுகிறார். சம்பவம் நடந்தபோது அவர் மொட்டை மாடியை சுத்தம் செய்து கொண்டிருந்ததாக கூறப்படுகிறது.
மாடியில் உள்ள செடிகளுக்கு கீழே இருந்து கொண்டு குழாய் மூலம் தண்ணீர் தெளித்து கொண்டிருக்கும் மூத்த சகோதரர், துரிதமாக செயல்பட்டு கீழே விழும் தனது சகோதரரை காப்பாற்றுகிறார். பின்னர், இருவரும் கிழே விழுந்து விடுகின்றனர்.
மூத்த சகோதரன் மேலே விழுந்த இளைய சகோதரர் விரைவாக எழுந்து விடுகிறார். ஆனால், மூத்தவர் தனது சகோதரனின் சுமையைத் தாங்கியதால் எழுந்து கொள்வதற்கு சிறிது நேரம் எடுத்து கொள்கிறார்.
இதில், இருவருக்கும் காயம் ஏற்படவில்லை. இந்த வார தொடக்கத்தில் இந்த சம்பவம் நிகழ்ந்துள்ளது. கவனக்குறைவின் காரணமாக, பலர் இதுபோன்று கீழே விழுந்து விடுகின்றனர். இருப்பினும், நல்வாய்ப்பாக, அவருக்கு எந்த காயமும் இன்றி தப்பியுள்ளார்.
இதுபோன்ற பல வைரல் வீடியோக்கள், சமூக வலைதளங்களில் பரவி மக்கள் மத்தியில் நல்ல வரவேற்பை பெற்று வருகின்றன.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்